الحلقة الثامنة الجمال جمال الروح بقلمي ملك إبراهيم
وشي ليه وبيقولي حبيبتي مالك انتي زعلتي عشان بقولك هتجوزها انا بهزر معاكي والله وان شاءالله ياسين يفوق في اقرب وقت ويتجوز هو سهر ..بصتله بحزن وقولتله انا زعلانه من الموقف الا سهر حطتنا فيه وزعلانه انها عملت كدا في نفسها ..اتنهد وقالي هي طبعا غلطانه حتى لو ياسين طلب منها دا كان المفروض ترفض وتحافظ علي نفسها وصدقيني لو كانت عملت كدا اكيد ياسين كان هيتجوزها لما يتأكد انها محترمه وهتحافظ علي نفسها وعليه ..بصتله بدهشه وقولتله بس مش غريبه ان يكون دا تفكيرك رغم ان انت اتربيت في مجتمع غربي وعندهم الحاجات دي عادي وكمان ان حضرتك عندك مغامرات كتير فاكر بتعرفي تعدي لحد كام ..ضحك وقالي حبيبتي انا اتربيت هناك صحيح بس امي هي الا ربتني علي اصول ديني وصدقيني انا عمري ما عملت حاجه ربنا حرمها ..بصتله بسعاده بس برضه انا حاسه بالغيره وقولتله طب وايه حكاية البنات الا كانوا مالين حياتك دول ..ضحك وقالي عادي بقى مكنتش بحب ازعل حد ..اضيقت وقولتله ماشي يا يوسف خلي البنات دول ينفعوك بقى ووقفت پغضب وقبل ما ابعد عنه وقف بسرعه ومسك ايدي وقربني ليه وحط ايده علي خصري وضمني وقالي والله العظيم بحبك ..قولتله والبنات الا انت عرفتهم كنت بتحبهم برضه ..ضحك وقالي الحقيقة هما الا كانوا بيحبوني ..اتغظت جدا هموووت من الغيظ هو ليه بيضحك دلوقتي بجد ضحكته دي بتجنني اكتر وبتسحرني اكتر انا عمري ماشوفت في حياتي حد ضحكته بالجمال دا هو ليه حلو اوي كدا وليه قلبي بيدق پعنف اوي كدا شكل قلبي بدأ يتعبني ومحتاج لدكتور قلب ..كان بيبصلي ونظراته بتظهر العشق الا في قلبه ليا وكأن عيونه بتتكلم وبتقولي هو بيحبني قد ايه واتكلم وكنت سامعه صوت قلبه هو الا بيتكلم وقالي انا بحبك اوي يا داليدا انتي الا خطفتي قلبي من اول نظره روحك الجميله خطفت روحي ونفسي تحبيني زي ما انا بحبك وصدقيني انا هعيش عمري كله اسعدك ..مش معقول كلامه دا بجد بيسحرني ومش قادرة اتكلم لان مفيش كلام يتقال بعد كلامه دا ولقيته قرب مني ومن شفايفي وقالي تتجوزيني .. بصتله وانا شايفه صورتي جوه عنيه وقولتله ماحنا متجوزين ..ابتسم وقرب مني اكتر وقالي قصدي نكمل جوزنا .. اتحرجت اووي وكنت ھموت من الخجل وحطيت وشي جو حضنه وانا بداري عيوني بخجل عن عيونه وهو ضمني اكتر وهو بيضحك علي خجلي وقالي قولتي ايه ..هزيت راسي بالموافقه وانا جوه حضنه وكنت حرفيا ھموت من شدة الخجل وهو خرجني من حضنه وبص في عنيا بسعاده وهو مش مصدق وقالي بجد موافقه .. هزيت راسي بالموافقه وانا مش قادره اتكلم ولقيته رفعني عن الارض ولقيت نفسي جوا حضنه وعمال يلف بيا بسعاده كبيره وكأنه ملك الدنيا كلها في اللحظه دي وفعلا بقيت مراته رسميا
صحيت الصبح وفتحت عيني ملقتهوش جنبي ودورت عليه وملوش اي اثر وخۏفت يكون كل الا حصل بينا دا كان حلم ومش حقيقي ووقفت وانا بلف حوالين نفسي ومش مصدقه انه ممكن يطلع حلم وقعدت علي السرير وبدأت دموعي تنزل ولقيته بيفتح باب الاوضة وبيدخل وبيبصلي پصدمه وبيقولي بلهفه حبيبتي مالك بټعيطي ليه ..جريت عليه وبصتله پخوف وقولتله انت كنت فين قربني من حضنه وقالي كنت بجهزلك مفاجأه بس ايه الا
