مروان قلعينى الجزمة والشراب

مروان قلعينى الجزمة والشراب وبعد كدة هاتلى العشا واغسلى ايدك كويس 
هدير حاضر حاجة تانىة
مروان لما اعوز حاجة انتى موجودة وشاور بيدة ناحيتها 
هدير اخذت الحذاء وضعتة فى الجزامة واحضرت الشبشب وضعتة تحت اقدامة ودخلت المطبخ غسلت يدها وقعدت تحضر لة العشاء ووضعتة على صنية ودخلت الانترية ووضعت الصنية على طرابيزة صغيرة اتفضل يادكتور العشا

مروان هاتى مية و روحى حضرى الحمام اللى فى اوضتى 
هدير حاضر ومشت حضرت الحمام ووضعت بشكير نضيف وفوطة صغيرة ووضعت بيجاما نضيفة وطقم داخلى على السرير وخرجت على المطبخ عملت الشاى وانتظرت لحد ماسمعت
مروان تعالى شيلى الاكل 
هدير حاضر اتفضل الشاى والحمام جاهز
مروان اقعدى وشاور على الارض 
هدير قعدت على السجادة صامتة 
مروان اوعك تكونى عشمانة انك هتكونى مرأتى فعلى ويحصل بينا ما يحدث بين اى زوجين وكمان بلاش تحلمى انك تكونى غير خدامة لية وفى حاجة كمان بلاش حد يعرف انك مرأتى هنا فى البلد عرفى الكل انا واحد لية برستيجى هنا مش ناقص فضايح فاهمة 
هدير فاهمة بس عوزة اعرف اية المطلوب منى بالضبط 
مروان انتى مبتفهميش انا قولت ليكى انك مجرد خدامة لية ولاى حد ياجى عندى 
هدير تحت امرك وطلبات البيت 
مروان هههه انا دكتور مروان عوزانى اشغل بالى بطلبات البيت 
هدير انا معرفش اى مكان هنا 
مروان هاخلى مرأت مصلحى البواب تروح معاكى علشان تجيبى الطلبات لحد ماتعرفى المكان وتبقى تجيبى طلبات البيت لوحدك 
هدير تمام حاجة تانى 
مروان مش عوز اختلاط مع اى حد من السكان 
هدير حاضر حاجة تانى 
مروان كل يوم تصحينى الساعة سبعة ونص الاقى الحمام جاهز اخرج من الحمام الاقى الفطار والجزمة متلمعة الغدا الساعة اربعة يكون جاهز 
هدير ممكن تقولى على طلباتك على الغدا بالاسبوع ولا باليوم 
مروان ههههه انتى اخرك شوية زر و صنية بطاطس 
هدير اكتب اللى حضرتك عوز تاكلة على الغدا وانا هاعملة 
مروان هاتى الاجندة من على السراحة واوعك تاخدى حاجة انا عارف لئم الفلاحين 
هدير اطمن حضرتك اى حاجةموجودة اكيد هتكون مسؤلة منى 
مروان اجرب كدة اهو الواحد يتسلى وكتب بكرة باشمل وبانية وبعدة سمك بورى وجمبرى خدى اكل يومين 
هدير تمام