البارت السادس... ظل عزيز ينظر لهم بعدم فهم غير قادر على ربط الاحداث
لكن دلف الطبيب إليها فصمتوا جميعا
مدام رحيل عامله ايه دلوقت
بخير يا دكتور
بصى يا ستى التحاليل بينت إن عندك انميا ونقص حديد وواضح انك مكنتيش بتاكلى كويس الفتره اللى فاتت وده سببلك حاله من الهبوط مع انخفاض الضغط فعمل حالة الاغماء دى احنا ركبنالك محاليل وهنركبلك حديد دلوقتي وهنكتبلك مكملات غذائية وفيتامينات ضرورى جدا جدا إنك تواظبى عليها عشان اللى حصل ده ما يتكررش مره تانيه .
كده يا رحيل تخضينا عليكى إنتى عارفه انتى عندى ايه
والله لو عندى بنت يا رحيل مش هحبها زيك كده
ظلت نظرات ناريه بين عزيز وحجازي إلى أن انتهى حديث الطبيب فسأله حجازى عن تحليل الحمل
والحمل يا دكتور
حمل ايه هى مدام رحيل حامل
مش انتوا عملتوا تحليل حمل
أه بس للاسف سلبى لو ايجابى كنا هنعرفكم
طيب وطلبتوه ليه
عموما يا مدام رحيل بعد الانتهاء من محلول الحديد تقدرى تمشى عن اذنكم
انهى الطبيب حديثه وخرج من غرفه المريضه
اقترب منه والده وجذبه للخارج
عجبك اللى عملته ده هتفضل سطحى لحد امته ها أنا عايز اعرف ثانيا أنت عرفت منين انها هنا فى المستشفى
لأ انا عايز اعرف عرفت منين هى البنت اللى بره دى هى اللى بتخون رحيل معاها
لأ مش بخون رحيل معاها البنت دى انا بحبها وهتجوزها
وخدت رأى مين بقى
أنا مش صغير يا بابا عشان حد يتحكم فيا اتجوز دى واطلق دى
لأ صغير يا حجازى وصغير اوى وانا مش موافق على الجوازه دى ثم تركه ودلف للغرفه وجد عزيز قد رحل وتبقت مها منتظره أن تكمل بقيه الأحداث
نظر لمها بتهجم
الشو خلص تقدرى تمشى
تحدثت زوجته مندهشه من تصرفه
ايه يا ضياء دى ضيفه وكتر خيرها
أنا عارف أنا بعمل ايه كويس والانسانه دى ضيفه غير مرغوب فيها
تحدثت مها محاولة جذبه لصفها
ليه بس كده يا انكل انا عملت ايه
اوعى تكونى فاكره انى مش فاهمك ولا عارف انتى بتفكرى إزاى واللى انتوا عايزينه أنا مش موافق عليه
أنا مأجبرتوش
لأ لما تحط مساعدتك ليه فى تحقيق حلمه قصاد إنه يتجوزها يبقى انت كنت بتجبره اديله فرصه يعمل الحاجه
