الحلقه الاخيره
هبقى مقدرة إللي انت بتعمله عشاني!
عامر في حاجات مكنش ينفع تعرفيها وحاجات لو عرفتيها كنت هعرض حياتك للخطړ اكتر واللي قلقني عليكي اكتر لما لقيتك اتعاطفتي مع علاء رغم اللي كان عايز يعمله فيكي.. وقتها خۏفت ان اي حد يقدر يستغلك ويستغل عاطفتك.. عشان كده بعدتك عني لحد ما احل كل المشاكل دي وارجعك لحضني تاني.
آيات بصتله بحزن وبكت وقالت انا عشت طول عمري خاېفة يا عامر.. مش انت لوحدك اللي اتربيت في بيت حزين.. انا اتربيت في بيت كله قسۏة.. لما اتجوزتني كنت بستناك كل ليلة عشان تيجي وتنقذني منهم.. كنت بحلم انك جيت وخدتني معاك ولما اصحى الاقي مرات ابويا اللي كانت بتعاملني اسوء معاملة ممكن تتخيلها!! انا عشت ايام صعبة كتير يا عامر مهما احكيلك مش هتتخيلها.. عشان كده طول الوقت وانا خاېفه اخسرك.. خاېفه تبعد عني.. مش قادرة اصدق انك بتحبني.. مش قادرة اصدق حنيتك وخۏفك عليا.. في خوف جوايا طول الوقت.. بس الخۏف ده بقى انك تسيبني وتبعد تاني.. بعادك عني بقى بالنسبة ليا كابوس بيطاردني.. اول لما تبعد بخاف انك مترجعش تاني.. انا طول الوقت خاېفه وبحاول اداري خۏفي برد فعلي العڼيف.. بحاول اثبت لنفسي اني قويه واقدر اعيش من غيرك بس ده مش حقيقي ابدا.. انا خاېفه تبعد عني يا عامر..
عامر وقف قدامها وقال آيات انا بحبك.. انتي ليه مش عايزة تصدقي.. انتي روحي يا آيات واغلي عندي من روحي.. عايزك تطمني وتثقي فيا.. انا مقدرش اسيبك وابعد عنك صدقيني.
آيات بكت آكتر وقالت انا مشكلتي في الخۏف يا عامر.. لما بتبعد عني بخاف ومبعرفش انا بقول ايه!
عامر كمان كان بيطمن قلبه ان حبيبته رجعتله تاني بس كان محتاج وقت اكتر يعرفها عليه اكتر ويكسب ثقتها فيه.
بعد عنها بهدوء وقالها ادخلي ارتاحي جوه يا آيات انتي تعبتي النهاردة وانا هنزل لان عندي مشوار مهم.
هزت راسها بالايجاب وعامر قبل جبينها بحب وقالها في اكل في التلاجة وهتلاقي هنا كل حاجة ممكن تحتاجيها وانا مش هتأخر عليكي اطمني.
هزت راسها بالايجاب وعامر خرج وآيات قعدت تفكر في الكلام إللي قاله.
رواية مكتوبة على إسمي بقلمي ملك إبراهيم.
شريف وقف بعربيته قدام بيت هاجر وبصلها واتكلم بهدوء هاجر انتي عارفه احنا جاين نزوركم بكره ليه
ردت هاجر بخجل لا.
شريف
