الحلقة_35 أميرة_اخر_الزمان بقلمي_ملك_إبراهيم

راحت اتجوزته وخلفت منه وفي الاخر رماها ومعبرهاش
تحدثت اليه والدة اميرة بحزن. 
خلاص يا ابو ضياء انا كنت بسألك بس
تحدث اليها پغضب. 
لا يا ختي متسأليش وعايزه تروحي لبنتك روحي بس من غير ولا جنيه من فلوسي
خفضت وجهها بحزن وذهبت من المنزل وهي تشعر بالعجز وقلة الحيلة لا تستطيع مساعدة ابنتها بأقل مساعدة.
كانت تسير في الطريق وهي شاردة ظهر امامها فتحي وتحدث اليها بلهفة قائلا.
ازيك يا ام اميرة طمنيني كلمتي اميرة ولا ايه
تحدثت اليه والدة اميرة بحزن قائلة له. 
اسكت يا فتحي انت متعرفش للي حصل لاميرة مش البت جنه بنتها تعبت ونقلوها المستشفي
نظر اليها فتحي بستغراب قائلا لها. 
امتى الكلام ده حصل انا معرفش المهم طمنيني البت عامله ايه
تحدثت والدة اميرة بحزن. 
البت تعبانه اوي بس الحمدلله ربنا وقف لنا دكتور ابن حلال ونقلها المستشفى اللي هو بيشتغل فيها عشان يعملها العملية
نظر فتحي امامه بتفكير ثم تحدث بفضول قائلا. 
طب وجمال عمل ايه
عوجت والدة اميرة فمها بسخرية قائلة. 
هيعمل ايه يعني ما انت عارفه
تحدث فتحي. 
يعني اميرة كده لوحدها من غير راجل يبقى انا لازم اكون جمبها
توترت والدة اميرة قائلة له. 
معلش يا فتحي انت عارف الظروف اللي احنا فيها وبعدين اماني مراتك او اي حد من اهلها ممكن يجو المستشفى في اي وقت ولما يسألوا انت موجود ليه هنرد عليهم نقولهم ايه خليك بعيد احسن وبعدين اميرة مش ناقصه مشاكل مع جمال واهله
تحدث فتحي باصرار. 
ملهمش حاجه عندي يا ام اميرة ولو علي اماني انا ممكن اطلقها
ثم اضاف بلهفة. 
المهم عندي رضا اميرة
تنهدت والدة اميرة بتعب وقفت تفكر قليلا بحيرة ثم تحدثت اليه بهدوء.
سيبها لله يا فتحي وربنا يقدم اللي فيه الخير لكم ان شاء الله... بقلمي ملك إبراهيم.
... يتبع
تفاعل جامد بقى شجعونى اكمل نشر باقي الفصول