الحلقة 32 أميرة آخر الزمان بقلمي ملك إبراهيم

بعد ما جمال طلقك ولا انتي ناويه ترجعيله
حركت أميرة رأسها قائلة ل امها. 
لا مش هرجعله ومش هعيش معاهم انا هعيش في الشقه بس لحد ما اعمل العميله لبنتي واطمن عليها وبعد كده اشوف هعمل ايه لان الوقت بيجري وجنه بدأت تتعب وانا مش هضيع الوقت في حرب بيني وبين جمال انا عايزه اصبر شويه واستحمل لحد ما اطمن على بنتي
ثم اضافت بتعب. 
اكتر حاجه كسره قلبي تعب جنه
تحدثت اليها امها بحزن. 
بس لازم تفكري في نفسك برضه يا أميرة انتي لسه صغيره وحلوه والف من يتمناكي
شردت أميرة قليلا ثم تحدثت بحزن. 
مش مهم مين بيتمناني المهم بناتي هما دول اللي بتمناهم من ربنا
تنهدت امها بتعب قائلة لها. 
برحتك يا أميرة ولما عدتك تخلص نبقى نتكلم
ثم اضافت وهي تقف من جوار ابنتها. 
انا هقوم انا اروح عشان عمك الدسوقي ميعرفش ان انا جيالك
حركت أميرة رأسها بصمت وهي شارده في حياتها المستقبليه.
في منزل والدة الدكتور محمد..
وقفت راندا بداخل المطبخ تنظفه وهي تنظر حولها بفضول تتساءل بداخلها هل الدكتور محمد مازال بالمنزل ام ذهب إلى المشفي.
دخلت والدة الدكتور واقتربت من راندا تتحدث اليها بفضول قائلة لها.
عامله ايه يا راندا
ردت راندا بابتسامة. 
الحمدلله كويسه
ابتسمت لها والدة الدكتور قائلة لها. 
وأميرة عامله ايه بقت كويسه
حركت راندا رأسها بالايجاب قائلة لها. 
اه الحمدلله بدأت تخف وكمان هتاخد بناتها وتعيش بيهم في شقتها والبركه في الدكتور ربنا يباركله يارب
استغربت والدة الدكتور قائلة لها. 
قصدك الدكتور مين
تحدثت راندا بسعاده. 
الدكتور محمد هو و الاستاذ طارق اللي ساعد اميرة ورجعولها حقوقها الحمدلله
حركت والدة الدكتور رأسها بتفهم قائلة لها. 
يعني خلاص مشاكل أميرة اتحلت مع جوزها
تحدثت راندا بتوضيح قائلة لها. 
هي بس هتاخد شقتها القديمه تعيش فيها هي وبناتها وهو ملوش دعوه بيها
استمعوا إلى صوت محمد بالخارج يتحدث إلى والدته بصوت مرتفع قليلا كي تسمعه قائلا لها.
انا نازل يا امي هتحتاجي حاجه
خفق قلب راندا بسعاده عندما استمعت الي صوته تحدثت والدة الدكتور اليها قائلة لها بابتسامة.
تمام يا راندا ربنا معاكم
ثم خرجت الي ابنها كي تتحدث معه قبل ان يخرج تحركت راندا بخطوات هادئه الي باب المطبخ كي تراه قبل ان يذهب.
وقفت والدة الدكتور وتحدثت اليه قائلة له.
اعمل حسابك النهاردة يا محمد عشان انا عازمه عمتك على العشا
استغرب محمد ثم تحدث اليها بمرح. 
اشمعنا يعني ايه سبب العزومه المفاجأة دي!
تحدث إليه والدته بابتسامه. 
اصل هويدا بنت عمتك عايزه تيجي تتدرب معاك في العياده انت عارف انها اتخصصت قلب زيك وعمتك كلمتني وانا عزمتهم
حرك محمد رأسه بعدم رضا قائلا ل امه. 
حضرتك عارفه يا امي ان انا مش بحب نظام الواسطه ده والافضل ل هويدا انها تدرب مع دكتور تاني ميكونش قريبها
تحدثت اليه والدته بهدوء قائلة له. 
معلش يا محمد دي بنت عمتك وانت اكيد هتفيدها اكتر من اي حد غريب
حرك محمد رأسه بالايجاب قائلا. 
ربنا يسهل يا امي انا لازم امشي عشان متأخرش على المستشفى بعد اذنك
ابتسمت له والدته وذهب بهدوء.
وقفت راندا تبتسم بسعاده بعد رؤيته لمعاملته الطيبه الي امه همست بداخلها قائلة.
يا سلام لو كل الرجاله حنينه زيك كده مكنش في بنت اتبهدلت
في منزل اهل مروة..
جلست مروة مع امها وهي ټضرب بيدها علي قدميها پخوف قائلة لها.
ملقتش حل قدامي غير اني اقوله اني عرفت اني حامل في ولد وهتبقى مصېبه لو طلعت بنت
تحدثت