الحلقة 32 أميرة آخر الزمان بقلمي ملك إبراهيم
انت في الصفحة 1 من 4 صفحات
الحلقة_32
أميرة_آخر_الزمان
بقلمي_ملك_إبراهيم
ابتسمت أميرة عند رؤية امها اقتربت منها امها وعانقتها بقوة وتحدثت اليها بلهفة قائلة لها.
عاملة ايه يا حبيبتي دلوقتي طمنيني عليكي
تحدثت اليها أميرة بعد ان سالت دموعها بضعف قائلة ل امها.
انا تعبانه اوي يا امي
ربتت والدتها علي ظهرها بحنان ووقفت والدة راندا واخذت حفيدها الصغير الي الداخل وتركت اميرة مع امها على راحتهم.
مالك يا حبيبتي متوجعيش قلبي عليكي يا أميرة
تحدثت أميرة پبكاء وهي بداخل حضڼ امها.
انا تعبانه اوي يا امي حاسه ان المشاكل اللي انا فيها دي كتير عليا اوي حاسه اني مش قادرة اتنفس برحتي حاسه اني تعبانه ومخنوقه اوي
ربتت امها على ظهرها قائلة لها بهدوء.
انتي محتاجه راجل يشيل عنك يا أميرة
راجل ايه بس يا امي انا عايزه اخفف همي وانتي عايزه تزوديه!
تحدثت اليها والدتها بهدوء قائلة لها.
انا بتكلم لمصلحتك يا أميرة انتي محتاجه راجل تتسندي عليه ويشيل عنك الهم
ثم اضافت بحزن.
انتي من يومك وانتي شايله الهم يا أميرة ونفسي يجي اليوم اللي تتهني فيه وتبقي في عصمت راجل يحبك ويحافظ عليكي ويشيل عنك الهم ده
مفيش راجل هياخدني بهمي ده يا امي وبعدين انا مش عايزه حاجه من الدنيا غير اعيش انا وبناتي مع بعض مرتاحين
ابتسمت والدتها قائلة لها بثقة.
بس في راجل بيتمنالك الرضا ترضي
نظرت أميرة الي والدتها بستغراب تابعت والدتها حديثها قائلة بابتسامة.
فتحي جوز اماني اخت جمال كلمني عليكي دلوقتي وعايز يتجوزك
ينهار اسود فتحي!
نحدثت اليها امها بابتسامة قائلة لها.
انا استغربت زيك كده لما قالي دلوقتي بس شوفت في عينيه لهفته عليكي وكمان قالي ان كل طلباتك مجابه
صړخت أميرة في امها قائلة لها.
ينهار اسود ينهار اسود انتي بتقولي ايه يا امي بقى انتي عيزاني اطلع من جمال ادبس نفسي في فتحي! يعني اخرج من داهيه ادخل في مصېبه
مصېبة ايه كفى الله الشړ فتحي راجل وكسيب وهيستتك في البيت وكل طلباتك مجابه وبعدين لو قصدك عشان اماني فهو راجل ومن حقه يتجوز واحده واتنين وأربعه وكمان مراته مبتخلفش وهو نفسه يتجوز واحده تخلف له حتة عيل وتفرحه
تحدثت اميرة برفض قاطع قائلة ل امها.
لا يا امي فتحي لاء
لاء ليه يا اميرة متنسيش ان انتي واحده مطلقه دلوقتي يعني مش هيجيلك غير واحد متجوز
ردت أميرة بصړاخ قائلة ل امها.
وانا مش عايزة حد يجيلي انا عايزه اعيش لوحدي واربي بناتي وبس
حركت امها رأسها برفض قائلة لها.
واخرتها يا أميرة! هتفضلي عايشه عند راندا كده لحد امتى يا بنتي البني آدم مننا تقيل ومش هتحسي انك مرتاحه غير في بيتك
نظرت أميرة الي والدتها بتعب قائلة لها.
اطمني يا امي انا هعيش انا وبناتي في شقتي
نظرت اليها امها بستغراب تابعت أميرة حديثها قائلة لها.
المحامي اتفق مع جمال اني هاخد الشقه اللي كنت متجوزه فيها واعيش فيها انا وبناتي وجمال هيدفعلي مصاريف البنات كل شهر
نظرت اليها امها بستغراب قائلة لها.
وجمال وافق!
حركت أميرة رأسها بالايجاب قائلة لها.
ايوه وافق عشان اتنازل عن المحضر اللي كنت عملاه لما ضړبني
تحدثت اليها والدتها بقلق قائلة لها.
بس انتي هتعيشي معاهم ازاي
