الحلقة_31 أميرة_آخر_الزمان بقلمي_ملك_إبراهيم

ينتقم منه هو وامه
وقف فتحي شاردا قليلا بحديث والدة أميرة ثم تحدث اليها بهدوء قائلا لها.
بقولك ايه يا ام أميرة انتي عارفه ان راجل كسيب وجيبي عمران وبصراحه كده انا كنت بفكر اتجوز على اماني وده من حقي وكله بشرع الله اصلها بيني وبينك كده مبتخلفش وانا نفسي اخلف عيل ولا اتنين الحق اربيهم وانا لسه في عز شبابي كده
شعرت والدة أميرة بالسعاده بعد استماعها الي حديث فتحي وهمست بداخلها قائلة.
ايوه كده خليها هي وامها يجربوا الڼار اللي دوقوها لبنتي لما اخوها اتجوز على بنتي وقهرها
تحدثت اليه بصوت مرتفع قائلة له 
عداك العيب يا فتحي وبعدين يعني انت مش اقل من اخوها اخوها اهو كان متجوز ست البنات ومخلف بنتين زي القمر وبرضه حړق قلب بنتي وراح اتجوز عليها
ابتسم فتحي بسعاده قائلا لها بلهفة. 
وانا غرضي اتجوز ست البنات وعينيا ليها هي وبناتها وعندي الشقه وهفرشهالها كلها عفش جديد وهجبلها الشبكه اللي تطلبها والمهر اللي تؤمر بيه
نظرت اليه والدة أميرة پصدمة قائلة له. 
انت قصدك على مييين!
تحدث فتحي بلهفة. 
قصدي على أميرة بدل ما هي عايشه في بيت صحبتها كده وملهاش مكان تروحه وصحبتها لو شالتها النهاردة مش هتشيلها بكره
ثم اضاف بثقة. 
بنتك محتاجه راجل يا ام أميرة ومش هتلاقي راجل يحبها وېخاف عليها ادي
نظرت اليه والدة أميرة بتفكير تحاول استيعاب حديثه ثم تحدثت اليه بفضول قائلة له.
يعني انت عايز تتجوز أميرة بنتي وتبقى ضرت اماني!
تحدث فتحي بتأكيد. 
والله انا الشرع محللي اربعه واماني لو مش عجبها يبقى تطلق
ثم اضاف بلهفة. 
صدقيني يا ام أميرة انا هعوض بنتك عن كل اللي شافته مع الزفت جمال ده وهخليها ست الكل وطلباتها كلها مجابه
نظرت اليه والدة اميرة بسعاده وفكرت بداخلها ان زواج أميرة من فتحي فرصة جيدة لاميرة ولا يمكنها ان تضيع هذه الفرصه ابتسمت برضا وتحدثت اليه بسعاده قائلة له.
وأميرة بنتي لو لفت الدنيا دي كلها مش هتلاقي احسن منك يا فتحي انا رايحه ابص عليها دلوقتي وهكلمها واشوف رأيها
ثم اضافة بتأكيد. 
بس متنساش أميرة لسه في فترة العده بتاعها
تحدث فتحي بلهفة قائلا لها. 
لو ست البنات وافقت يبقى نتجوز اول ما العده تخلص على طول وانا جاهز من دلوقتي
فرحت والدة أميرة كثيرا بلهفة فتحي علي الزواج من ابنتها واعتقدت انه سيصبح العوض الجميل لابنتها تحدثت اليه قبل ان تذهب من امامه قائلة له.
ان شاءالله تبقى من نصيبك ويصلح حالكم مع بعض يارب
رد فتحي بلهفة واشتياق. 
يارب يسمع من بؤق ربنا
____________
في منزل والدة جمال..
استيقظت شاهنده صباحا واخبرت والدتها انها ذاهبه للدرس ذهبت للدرس وجلست والدتها مع ابنتها اماني وحور وجنه يلعبون حولهم.
تنهدت والدة جمال بتعب وحيرة وهي تفكر في أمر فريد مع شاهنده.
نظرت اماني الي والدتها وتحدثت اليها بفضول قائلة لها.
مالك يا امي من امبارح كده وانتي شكلك شايله هم حاجه!
تحدثت اليها والدتها بحزن قائلة لها. 
فريد امبارح اداني الدبله بتاع شبكته وقالي انه مش عايز شاهنده
شهقت اماني پصدمة ووضعت يديها على فمها تكتم شهقتها ثم تحدثت الي والدتها بحزن قائلة لها.
وبعدين
تحدثت والدتها بحيرة قائلة لها. 
مش عارفه عايز اكلم خالتك واقولها تتكلم معاه وتشوفه عمل كده ليه
ثم اضافت پغضب. 
انا بنتي مش لعبه عشان يخطبها شويه ويسيبها وبعدين البت بتحبه ولو قولتلها انه سابها يمكن تعمل حاجه في نفسها وانا مش هضيع بنتي