الحلقة_24 أميرة_اخر_الزمان بقلمي _ملك_إبراهيم

ايه
تحدثت اليها والدتها بمكر قائلة لها. 
مش انتي زهقتي حماتك المرة اللي فاتت لما جت معاكي وحلفت انها مش هتيجي معاكي تاني
تحدثت مروة بالايجاب قائلة لوالدتها. 
ايوه انا عملت زي ما انتي قولتيلي بالظبط وطلعت عينيها
تحدثت والدتها ببساطة قائلة لها. 
خلاص يبقى مش هتيجي معاكي تاني وانا اللي هاجي معاكي ونبقى نقولهم انك حامل في والد لحد ما تخليه بشاطرتك يكتبلك الشقة باسمك
لم تفهم مروة حديث والدتها وتحدثت بفضول قائلة لها.
طب لو طلعت حامل في بنت هعمل ايه
تحدثت والدتها بمكر قائلة لها. 
دا هيبقى علي حسب شاطرتك بقى انك تخليه يكتبلك الشقة قبل ما تخلفي قبل ما تلاقي نفسك مرميه في الشارع زي اللي قبلك
حركت مروة رأسها بالايجاب وهي تستمع الي حديث والدتها باقتناع قائلة لها. 
عندك حق يا امي انا لازم فعلا امن نفسي لان جمال ملوش امان وهو بنفسه قالي انه ممكن يعمل فيا نفس اللي عمله في أميرة وهو قليل الاصل وملوش امان
تحدثت اليها والدتها بتأكيد قائلة لها. 
ايوه كدا خليكي شاطرة وشوفي ايه الغلط اللي أميرة عملته و اوعي تقعي فيه
نظرت مروة امامها وهي تستمع الي نصائح والدتها وتفكر كيف تآمن نفسها مع جمال . 
رواية أميرة آخر الزمان بقلمي ملك إبراهيم.
في قسم الشرطة ..
خرج جمال من غرفة الضابط والعسكري يمسك به.
وصل محامي أميرة ليتابع ماذا حدث في المحضر واصر ان يتحول المحضر للنيابة.
قابله فريد بالقسم و تعرف عليه و اخبره انه يريد التحدث معه بأمر هام.
اخذ العسكر جمال للحبس مرة أخرى وطلب فريد من خالته ان تذهب مع ابنتها اماني ويعودان الي المنزل.
جلس فريد مع المحامي طارق محامي أميرة وبدأ فريد حديثه قائلا له.
انا قبل اي كلام عايز اقول لحضرتك اني بكون ابن خالة جمال طليق موكلتك واني اكتر واحد عارف الظلم اللي اتعرضت ليه أميرة هي وبناتها
تحدث اليه المحامي طارق بهدوء قائلا له. 
اعذرني في اللي هقوله بس لما حضرتك عارف ان موكلتي مظلومه ليه بتساند ابن خالتك في اللي عمله فيها يعني اللي انا عرفته انه طلقها وخد كل حقوقها وكمان راح ضربها في بيتها قدام الناس كلها وطبعا حضرتك عارف خطۏرة الاصابات اللي اتسبب لها فيها
حرك فريد رأسه بالايجاب قائلا له. 
انا مش بسانده ابدا بالعكس انا كان نفسي اساعد أميرة تاخد حقوقها وهي نفسها رفضت مساعدتي ليها وطبعا هي معاها حق تخاف مني لاني ابن خالة طليقها ومستحيل هتثق فيا
حرك المحامي طارق رأسه بتفهم قائلا له. 
حضرتك لازم تعذرها لان دا تفكير اي انسان طبيعي لان بالعقل كده حضرتك المفروض مش هتقف معاها هي ضد ابن خالتك
نظر اليه فريد بثبات قائلا له بتأكيد . 
انا هقف مع أميرة ضد جمال
نظر اليه المحامي طارق بستغراب ثم اعتدل في جلسته قائلا له بفضول.
ممكن افهم تقصد ايه بالظبط
تحدث فريد بهدوء قائلا له. 
جمال استغل ضعف أميرة وانها لوحدها وقدر يخليها تتنازل عن كل حقوقها وحتى بناتها حرمها منهم مع انها حاضنه وهو مجبور يوفر لها سكن ونفقه شهريا تصرف منها علي بناتها
حرك المحامي طارق رأسه بالايجاب قائلا له. 
مظبوط
تحدث فريد بثقة قائلا له. 
دلوقتي أميرة جتلها الفرصه انها تاخد كل حقوقها من جمال
عقد المحامي ما بين حاجبيه بعدم فهم قائلا له بفضول .
ازاي!
تحدث فريد بهدوء قائلا له. 
أميرة هتاخد من جمال بناتها وكمان هيوفرلها مكان للسكن وهتاخد نفقة شهريه تكفي مصاريف
بناتها
تحدث المحامي طارق بستغراب قائلا له. 
وايه المقابل ان جمال يديها كل حقوقها بسهوله كده!
ابتسم فريد بثقة قائلا له بتأكيد. 
المقابل هيكون ان أميرة تتنازل عن المحضر
شعر المحامي طارق ان ما يقوله فريد ما هو اللي خدعة منهم كي تتنازل أميرة عن المحضر فقط ولا تأخذ أميرة اي من حقوقها بعد خروج جمال نظر الي فريد بشك وهو يفكر بصمت.
فهم فريد نظراته وتحدث اليه بثقة قائلا له.
متقلقش انا فعلا عايز أميرة تاخد حقها وبعمل كل ده لمصلحتها يعني انا دلوقتي قدرت اقنع خالتي وجمال ان الطريقه الوحيدة لخروجه هي ان أميرة تتنازل ومكمل معاهم عشان ميروحوش لمحامي تاني وطبعا حضرتك عارف الحيل اللي بيعملوها المحامين عشان يخرجوا الموكل بتاعهم من القضايا دي
حرك المحامي طارق رأسه بالايجاب ثم تحدث اليه بكل احترام قائلا له.
انا مع حضرتك جدا مع اني مستغرب موقفك بس برضه انا من حقي اقتنع عشان اقدر اضمن حقوق موكلتي
ابتسم فريد قائلا له. 
طبعا دا من حقك وهو ده اللي انا عايزه يعني لو هنحسبها بالقانون طبعا حضرتك عارف ان كل قضيه هي هترفعها هو هيرد عليها بقضيه دا غير انه ممكن يقدم اثباتت بتأكد ان معندوش وظيفه ولا دخل ثابت وان مرتبه قليل جدا دا غير طبعا التنازل اللي أميرة وقعت عليه وهندخل في حبل قضايا مش هينتهي وفي الاخر الفلوس اللي هيتحكم لاميرة بيها هتكون مبلغ قليل ميستهلش كل الوقت ده
حرك المحامي رأسها بالايجاب وهو يستمع الي فريد بتركيز شديد.
ليتابع فريد حديثه قائلا له. 
احنا بقى هنرجع لاميرة كل حقوقها من غير كل ده انا هقولهم ان حضرتك قولتلي ان أميرة ممكن تتنازل عن المحضر وتخرج جمال بس بشرط
نظر اليه المحامي طارق بتركيز ليتابع فريد حديثه بكل ثقة قائلا له.
اهم شرط ان جمال يكتب الشقه اللي كانت أميرة متجوزه فيها وهو اتجوز فيها دلوقتي بأسم أميرة وبناتها بيع وشړا... بقلمي ملك إبراهيم.
... يتبع
تفاعل حلو بقى على البارت شجعوني اكمل نشر باقي الرواية