الحلقة_24 أميرة_اخر_الزمان بقلمي _ملك_إبراهيم

فضل ونعمه شكرا لحضرتك
تحدثت اليها والدة الدكتور محمد قائلة لها.
الدكتور محمد كان حكالي على مشكلة أميرة مع طليقها وبصراحة زعلت عشانها اوي هي ايه حكايتها معاه بالظبط ايه اللي يخليه يروحلها بيتها ويضربها ويهبدلها كده!
تحدثت راندا بعفوية قائلة لها.
اصل طليقها ده لمؤخذه يعني واحد معندوش ډم يعني اتجوز عليها بفلوس عملية بنتها وكمان طلقها وخلاها تتنازل عن كل حقوقها قصاد الطلاق وحرمها من عيالها وكمان جاي يشك فيها وفي شرفها
عقدت والدة الدكتور ما بين حاجبيها بعدم فهم قائلة لها.
يعني ايه بيشك فيها وفي شرفها!.
اجابتها راندا بعفوية قائلة لها. 
اصله عرف ان الدكتور هيساعدها في عملية بنتها وهو فكر حاجه وحشه بينهم يعني
فتحت والدة الدكتور عينيها پصدمة حركت رأسها بالايجاب بعد ان حدث كل ما توقعته نظرت الي راندا بهدوء قائلة لها
تمام يا راندا كملي انتي شغلك
ثم خرجت من المطبخ وتركتها. تابعت راندا ما كانت تفعله.
خرجت والدة محمد تفكر پغضب ثم همست الي نفسها قائلة.
يعني كل اللي انا قولته حصل اهو يا محمد واسمك هيدخل في المشاكل بينها وبين طليقها
ثم همست باصرار قائلة . 
بس انا مش هسمح ان اسمك يدمر بسبب البنت دي يا محمد ولازم ابعدها عنك بكل مشاكلها 
رواية أميرة آخر الزمان بقلمي ملك إبراهيم.
عند مروة في شقتها بمنزل حماتها.
جلست امام التلفاز وهي تشعر بالتعب اخذت هاتفها وتحدثت الي والدتها بالهاتف قائلة لها.
الو ايوه يا امي عاملة ايه
اجابتها والدتها بهدوء قائلة لها. 
الحمد لله يا حبيبتي انتي عامله ايه مش بتيجي ليه يا مروة
تحدثت اليها مروة پغضب قائلة لها. 
انا زهقت هنا اوي يا امي انا كنت فاكره اني هبقى مبسوطه بعد ما اتجوز بس زهقت وتعبت
تحدثت اليها والدتها بفضول قائلة لها. 
هو جمال والوليه حماتك مزعلينك ولا ايه!
تحدثت مروة بغيظ قائلة لوالدتها. 
جمال الحكومة جم خدوه
شهقت والدتها بفزع قائلة لها. 
خدوه ليه هبب ايه
تحدثت مروة پغضب وغيره. 
شكله لسه بيحب أميرة ومش قادر ينساها الاستاذ بيغير عليها وراح ضربها وهي عملتله محضر وجم خدوه وهو نايم
شهقت والدتها قائلة لها. 
الله يخربيته هو جوزك ده عبيط ولا ايه ازاي يسيبك انتي ويبص لاميرة بعد ما طلقها وعمل فيها اللي عمله ده كله
ثم اضافة والدتها قائلة لها. 
شوفتي بقى يا مروة لما قولتلك اللي زي ده ملوش امان ولازم تآمني نفسك معاه
حركت مروة رآسها بالايجاب قائلة لوالدتها 
انا برضه فكرت في كده يا امي بس هآمن نفسي معاه ازاي والبيت ده بتاع ابوه واخواته البنات ليهم فيه ومعندهمش حاجه تانيه غير الورشة
تحدثت اليها والدتها قائلة لها. 
انا مكنش ليا غرض للجوازه دي من الاول بس هنعمل ايه بقى النصيب
تحدثت اليها مروة قائلة پغضب. 
مهو انتي اللي كنتي عايزه تجوزيني بآي طريقه وكل شويه تقوليلي قطر الجواز فاتك وشوفي أميرة اللي اصغر منك متجوزه ومتهننه في بيتها ومخلفه وانتي أكبر منها ولسه قعده في وشي خلتيني مبقتش شايفه قدامي غير أميرة وحياتها وخدت منها كل حاجه دلوقتي واهو الاستاذ سابني وجرى ورا أميره تاني وخليه ماشي وراها بقى لحد ما تسجنه
تحدثت اليها والدتها بتأكيد قائلة لها. 
بصي سيبك من كل الكلام الفاضي ده انتي دلوقتي حامل وممكن تجبيله الواد اللي نفسه فيه وساعتها تعرفي تضحكي على عقله وتخليه يكتبلك حتى الشقة اللي انتي فيها
تحدثت مروة بغيظ قائلة. 
طب وافرضي مثلا طلعت حامل في بنت هعمل