#الحلقة_42 #أميرة_اخر_الزمان #بقلمي_ملك_إبراهيم

انتي اټجننتي ولا ايه حب ايه اللي الدكتور هيحبهولك! هو عشان ساعدك ووقف جمبك يبقى بيحبك
دخلت في صراع عڼيف بين قلبها وعقلها..
قلبها بس كل حاجه بيعملها معايا وطريقة كلامه ونظراته ليا كل حاجه بتقول انه بيحبني
عقلها ممكن تكون دي اوهام من خيالك أنتي وهو متعاطف معاكي مش اكتر
شعرت بالتعب من التفكير همست الي نفسها بحزن.
حب ايه بس خليني في المشاكل اللي انا فيها
تابعت سيرها الي المنزل بخطوات سريعه كي لا تتأخر علي ولاء اكثر.
وصلت أمام المنزل خرج جمال من ورشته بعد ان اخبره الصبي بتاعه ان اميرة عادت اقترب منها جمال قبل ان تدخل المنزل وتحدث اليها ببرود وهو يتأمل جسدها بنظرات تفهمها اميرة جيدا وجعلها تتذكر نظرات محمد الصادقه لها.
جايه منين كده يا هانم وفين البنات انا بقالي كتير مش عارف اشوفهم
زفرت اميرة پغضب قائلة له. 
بناتك فوق في الشقه وبعدين انت مطلبتش تشوفهم وانا حوشتهم عنك!!
تحدث اليها بغيظ. 
وسايبه البنات لوحدهم هو انا كنت بدفعلك الفلوس دي كلها عشان تسيبي البنات لوحدهم وانتي تلفي برحتك
تحدثت اليه اميرة بتحذير. 
انا مش بتاع لف وانت عارف كده كويس انا كنت في الشغل والفلوس اللي انت بتتكلم عليها دي انت دفعت مرة واحده وبعد كده كبرت دماغك وانا بشتغل عشان مش عايزه منك حاجه
ڠضب جمال من ردها عليه وتحدث بفخر. 
والله انا راجل مراتي علي وش ولاده وهتجيبلي الولد اللي انتي معرفتيش تجيبيه وانا بحوش كل جنيه معايا دلوقتي للولاده
ابتسمت له اميرة ببرود قائلة له. 
ربنا يقومها بالسلامة وتجيب لك بدل الولد عشرة المهم ترضى وتقول الحمدلله
ثم تخطته ودخلت المنزل وهي تزفر پغضب صعدت الي شقتها بالاعلي فتحت لها ولاء وهي تحمل جنه دخلت أميرة وهي تتحدث پغضب.
انا خلاص زهقت مبقتش طايقه اشوف البني أدم ده
جلست ولاء بجوارها وتحدثت اليها بفضول. 
قصدك مين!
ركضت حور الي امها وجلست علي قدميها قائلة لها. 
ماما خالتو ولاء لعبت معانا وعملت لنا اكل انا بحبها
ابتسمت لها أميرة وتحدثت الي ولاء. 
شكرا يا ولاء معلش تعبتك معايا
ردت ولاء بسعاده. 
ولا تعب ولا حاجه بالعكس انا حبيت البنات اوي
ثم أضافت بفضول. 
مقولتيش مين اللي ضايقك اوي كده!
تحدثت اميرة پغضب. 
مفيش غيره جمال الزفت انا بجد زهقت من وقفته ليا في الداخله والخارجه كده
تحدثت اليها ولاء بهدوء.
على فكره يا أميرة انتي مش هترتاحي بجد غير لما تسيبي الشقه دي وتعيشي في شقه تانيه بعيد عنهم
حركت اميرة رأسها بحزن قائلة.
عارفه يا ولاء بس انا هروح فين وهتشوف شقه تانيه منين ما انتي عارفه الظروف
ردت ولاء بثقة.
سيبي الموضوع ده عليا انا هحاول اشوفلك شقه قريبه من بيتنا وتجيبي فيها سريرين تنامي عليهم انتي والبنات على حاجتك اللي حماتك وخداها التلاجه والبوتجاز والغسالة وتعيشي في الشقه على قدك كده لحد ما ربنا يكرمك وتمليها فرش
استمعت اميرة الي حديث ولاء بتفكير قائلة لها.
ياريت يا ولاء ان شاالله حتى انام على الارض بس هكون مرتاحه واقدر اغمض عيني
ربتت ولاء على ظهرها بحنان قائلة لها.
متقلقيش يا حبيبتي انا هروح اكلم امي واخليها تشوفلك شقه حلوه عند حد من جيرانا ويكونوا ناس كويسين والشقة يكون سعرها حنين وان شاء الله علي بكره او بعده بالكتير نكون لقينا شقه
همست أميرة من قلبها.
ياااااارب
وقفت ولاء كي تعود الي منزلها اوقفتها اميرة وتحدثت اليها بهدوء.
استني يا ولاء هلبس البنات وانزل معاكي عشان هروح ابص علي راندا صحبتي وابقي اسيب البنات عند امي في ميعاد العياده
حركت ولاء رأسها بالايجاب وانتظرتها وذهبوا