#الحلقة_40 #أميرة_اخر_الزمان #بقلمي_ملك_إبراهيم

تفسير غير كده
نظرت والدة الدكتور امامها بشرود ثم تحدثت بصوت منخفض. 
دي تبقى مصېبه لو طلع فعلا بيحبها
نظرت اليها هويدا وتحدثت باصرار. 
انا لازم اتأكد من الموضوع ده
نظرت اليها والدة محمد وتحدثت بقلق. 
فعلا لازم نتأكد ولو طلع فعلا كده لازم نوقفه ونخرجها من حياته لاني مش هسمحله يدمر حياته مرة تانيه كفايه اللي حصل في جوازته الاولى
شردت هويدا بتفكير عميق وتحدثت بتأكيد. 
متقلقيش يا طنط وسيبي الموضوع ده عليا
رواية أميرة آخر الزمان بقلمي ملك إبراهيم. 
في مكتب استاذ طارق المحامي..
ذهبت اليه اميرة ومعها اماني الاستشارة.
جلست امامه اماني وهي تفرك بيدها بتوتر..
تحدثت اليه اميرة بهدوء. 
احنا كنا جاين لحضرتك النهاردة في استشاره تخص اماني
حرك طارق رأسه بالايجاب قائلا. 
تحت امركم
نظرت اميرة الي اماني ثم تحدثت مرة أخرى.
اماني كانت عايزه تطلق من جوزها وكانت عايزه تعرف يعني ايه الإجراءات
نظر طارق الي اماني وتحدث اليها باهتمام. 
ممكن اعرف ايه هي اسباب الطلاق
لم تستطيع اماني الرد عليه وجلست تخفض وجهها ارضا تحدثت اميرة معها.
اتكلمي يا اماني مع استاذ طارق عشان يعرف هيعمل ايه
رفعت اماني وجهها وتحدثت بصوت منخفض.
انا عايزه اطلق منه لاني مش ماليه عينه وعايز يتجوز عليا
عقد طارق ما بين حاجبيه قائلا لها. 
هو قالك كده
تحدثت اماني بخفوت. 
عينيه وتصرفاته كلها هي اللي قالت كده
حرك طارق رأسه بالايجاب قائلا لها. 
تمام يا اماني واضح ان انتي مش حبه تتكلمي عموما انا محتاج تعمليلي توكيل وانا هشوف شغلي معاه
حركت اماني رأسها بالايجاب تحدثت اليه اميرة بتأكيد.
المهم يا استاذ طارق احنا عايزين حضرتك تطلع عينه وتجبلها كل حقوقها
ابتسم لها طارق قائلا. 
هيحصل ان شاءالله اطمنوا
ابتسمت اميرة الي اماني وربتت على يديها بدعم.
في منزل والدة جمال بداخل شقتها..
جلست مروة براحه وهي تضع يديها فوق بطنها البارزة خرجت شاهنده من غرفتها وهي ترتدي ملابس قصيره تلتصق بجسدها نظرت اليها مروة بطرف عينيها قائلة لها بسخريه.
على فين يا ست شاهنده
نظرت اليها شاهنده پغضب قائلة لها. 
وانتي مالك انتي ما تخليكي في حالك
خرجت والدة جمال من المطبخ علي اصواتها وتحدثت الي مروة پغضب.
مالك ومال البت يا مروة انتي هتفضلي قعده لي كده وعامله فيها هانم ما تقومي تنضفي الشقه وجهزي الغدا
تحسست مروة بطنها ببرود قائلة. 
هقوم فين ببطني دي دا انا تعبانه وانا قاعده
عوجت حماتها فمها بسخرية قائلة. 
اللي قبلك كانت حامل في اتنين وكانت شايله البيت كله وعمرها ما شتكت
استرخت مروة في جلستها قائلة بفخر. 
انتي عايزه تجيبي حمل البنات زي حمل الولد
زفرت شاهنده بغيظ قائلة. 
يادي الولد اللي قرفتينا بيها
تحدثت والدة جمال الي ابنتها. 
انتي رايحه فين دلوقتي يا شاهنده!
توترت شاهنده قليلا وتحدثت. 
هكون رايحه فين يعني يا امي رايحه عند سمر
ثم اضافت بصوت غاضب وهي تنظر الي مروة.
مبقاش ليا نفس اقعد في الشقه هنا
ردت عليها والدتها وهي تنظر الي مروة. 
عندك حق والله يا بنتي
تجاهلتهم مروة وجلست تشاهد التلفاز ببرود تحدثت والدة جمال الي ابنتها.
روحي انتي يا شاهنده ومتتأخريش
ذهبت شاهنده وجلست والدة جمال امام مروة تنظر لها پغضب. 
رواية أميرة آخر الزمان بقلمي ملك إبراهيم. 
بعد اسبوعين..
ذهب فتحي الي منزل ام جمال وهو ېصرخ بأسم اماني پغضب ويحمل بيده اعلان قضية الطلاق.
خرج جمال من ورشته وركض الي فتحي پغضب قائلا له.
في ايه يا عم انت صوتك عالي ليه!
تحدث اليه فتحي بصوت مرتفع. 
بقى بتخلي اختك ترفع عليا قضية طلاق