الحلقة 28 أميرة اخر الزمان بقلمي ملك إبراهيم

الحلقة_28
أميرة_اخر_الزمان
بقلمي_ملك_إبراهيم
اضاف بغرور قائلا. 
اللي زي أميرة دي مش عايزه غير راجل زيي تشيل اسمه وتتحمى فيه من الدنيا
حرك فريد فمه بسخرية قائلا له.
ماشي يا جمال انا هكلم المحامي بتاعها واقوله يبلغها كلامك ده ونشوف ردها هيكون ايه
ضحك جمال بسخرية قائلا بستهزاء. 
هي أميرة بقى ليها محامي كمان!!

وقف فريد وتحدث پغضب مكتوم قائلا لهم.
انا هروح اكلم المحامي بتاعها واقوله ان انت عندك رغبه ترجع لاميرة واشوف رأيهم ايه
ثم ابتعد عنهم فريد كي يتحدث الي محامي أميرة ونظر جمال الي والدته وتحدث اليها بفضول قائلا لها.
مروة عاملة ايه
تحدثت اليه والدته پغضب قائلة له. 
عامله عمايل زي وشها العكر دا كان يوم اسود يوم ما تجوزتها وش الفقر
عقد جمال ما بين حاجبيه قائلا لوالدته بفضول.
هي مالها ايه اللي حصل!
تحدثت اليه والدته پغضب قائلة له. 
قليلة الادب نزلت بهدلتني يوم ما اتقبض عليك وهددتني انها عايزه فلوس تصرف منها على ما انت ترجع ودلوقتي نزلت تشرشحلي قدام ابن خالتك وتقولي عايزه فلوس تكشف وتجيب علاج وتخيل طلبت كام
نظر اليها جمال وتحدث ببرود قائلا لوالدته.
تاخد علي دماغها ومتديهاش جنيه ولو عايزه تكشف روحي معاها
تحدثت اليه والدته بغيظ قائلة له. 
حرجتني قدام فريد وطلبت 500 جنيه وهو ادها ال 500 جنيه من معاه
فتح جمال عينيه پصدمة قائلا لوالدته. 
ودي عايزه 500 جنيه ليه!
ردت والدته وهي تعوج فمها يمينا ويسارا بسخرية قائلة له.
انا عارفه اهو لما تخرج ابقى اسألها
خفض جمال وجهه ثم تحدث بهدوء قائلا لوالدته بفضول .
هي نزلت قعدت معاكم في الشقه تحت
تحدثت والدته بغيظ قائلة له. 
تقعد معانا فين هو انا طايقاها وهي فوق لما اطيقها تحت معانا
صمت جمال وهمس پغضب قائلا. 
انا بس عايز اخرج من هنا مش قادر استحمل افضل من هنا اكتر من كده
نظرت والدته حولها بتعب قائلة له. 
ربنا يهدي أميرة بس وتوافق وتيجي تتنازل عشان انا تعبت ومبقتش اقدر الف وراك في الأقسام
ثم نظرت اليه وتحدثت بحزن قائلة له. 
شوفت الخسع فتحي جوز اختك عمل ايه معاها
نظر جمال الي والدته بستغراب بدأت تحكي له ما فعله زوج شقيقته معها. رواية أميرة آخر الزمان بقلمي ملك إبراهيم.
عند فريد..
وقف يتحدث بالهاتف مع طارق المحامي..
تحدث فريد پغضب مكتوم قائلا له.
جمال رافض انه يكتب لاميرة مع بنتها الشقه وعايز يرجعها لذمته تاني
استغرب المحامي طارق وتحدث الي فريد قائلا له.
هو فاكرها لعبه ولا ايه عايز يرجعها تاني لعصمته عشان تتنازل وترجعله ببلاش كده ويخرج وميخسرش اي حاجه!!
تحدث فريد پغضب مكتوم قائلا له. 
لازم ناخد رأي أميرة يمكن تكون عايزة ترجعله
تحدث المحامي طارق بثقة قائلا له. 
لا مدام أميرة مستحيل ترجعله وانا واثق من كلامي ده بعد كلامي معاها امبارح
تنهد فريد بتعب ثم تحدث بهدوء قائلا له. 
معلش ناخد رأيها برضه يمكن هي لها رأي تاني
تحدث المحامي طارق بالايجاب قائلا له. 
عندك حق عموما انا هكلمها اعرف رأيها ولو رفضت يبقى تعرف جمال انها هتاخد حقها بالقانون ومش هتتنازل
نظر فريد أمامه وفكر قليلا ثم تحدث الي طارق بهدوء قائلا له.
احنا عايزين نخلص من الموضوع ده نهائي اطلب أميرة دلوقتي وخليها تيجي القسم وحضرتك تعالى معاها وهات العقود اللي جهزتها واول لما توصلوا كلمني وانا هخرج نتكلم معاها ونشوف هي عايزه ايه بالظبط لو عايزة ترجع يبقى ترجع مش عايزه يبقى تقولها لجمال في وشه وهو حر