الحلقة 27 أميرة اخر الزمان بقلمي ملك ابراهيم

يمكنها ايضا ان تعيش بمنزل راندا اكثر من ذلك فهي تشعر بالاحراج ولا تريد ان تصبح حمل ثقيل على احد تزاحمت الافكار برأسها استغفرت ربها ووقفت لتصلي وتطلب من الله ان يرشدها الي الطريق الصحيح.
في منزل الدكتور محمد..
استيقظت والدته باكرا واعدت له الفطور كي يتناولونه معا قبل ان يذهب إلى المشفي.
جلس الدكتور محمد يتناول الطعام وهو ينظر إلى هاتفه بتركيز..
تحدثت اليه والدته قائلة له بهدوء.
بقولك ايه يا محمد ايه رأيك تاخد اجازه كام يوم كده ونروح نقضيهم في اسكندرية نغير جو
ترك الهاتف ونظر إلى والدته بابتسامة قائلا لها.
من عينيا يا ست الكل بس معلش خليها بعد عملية جنه
عقدت والدته حاجبيها بستغراب قائلة له. 
جنه ميين!
اجابها الدكتور محمد بهدوء وهو يتناول طعامه قائلا لها.
جنه بنت أميرة
تركت والدته الملعقة من يدها پغضب فوق السفرة فاعلت صوت مرتفع ثم زفرت پغضب قائلة له.
انت ايه حكايتك بالظبط يا محمد ليه مدي للبنت دي مساحه في حياتك اكتر من اللي تستحقها انت تقريبا بقى كلامك كله عنها ودلوقتي بترتب حياتك عليها هي وبنتها!!
نظر الدكتور محمد الي والدته بستغراب ثم تحدث اليها بهدوء قائلا لها.
انا مش فاهم ليه حضرتك زعلانه دلوقتي اللي انا قولته لحضرتك دلوقتي طبيعي جدا جنه المفروض انا بجهزها للعمليه في الفترة دي والطبيعي اني مسبش الحالة واروح انا اسافر اغير جو لما اعملها العملية واطمن عليها ان شاء الله نسافر اي مكان حضرتك تحبيه
عجزت والدته عن الرد عليه وتركت الطعام ووقفت پغضب متجهت الي غرفتها.
تابعها ابنها بستغراب ثم ترك الطعام هو الاخر واتجه الي الشرفة كي يتحدث بالهاتف إلى صديقه طارق المحامي. 
رواية أميرة آخر الزمان بقلمي ملك إبراهيم.
في قسم الشرطة..
انتفض جمال واقفا پغضب بعد ان اخبرته والدته بشروط أميرة كي تتنازل عن المحضر..
تحدث جمال بصوت مرتفع قائلا لهم. 
دا لما تشوف حلمة ودنها ابقى اكتبلها الشقه واديها الفلوس اللي هي عايزاها دي هي فاكره انها كده بتلوي دراعي يعني هي نست نفسها ولا ايه
وقف فريد امامه وتحدث اليه پغضب قائلا له. 
بطل صوتك العالي ده وتتكلم من غير ما تفهم وبعدين هي مش بتغصبك على حاجه احنا طلبنا منها تتنازل عشان انت تخرج وهي قالت شروطها وانت سواء وافقت وافقت موفقتش يبقى خلاص انت حر
جلس جمال مرة أخرى بجوار والدته قائلا لها پغضب.
عشنا وشوفنا الست أميرة بقت بتتشرط كمان
تحدثت اليه والدته بحزن قائلة له. 
وبعدين يا جمال احنا مش عايزين عند مفيش طريقه تخرج بيها غير ان أميرة تتنازل وبعدين انت مش هتكتبلها هي بس دا انت هتكتب الشقه بأسمها واسم بناتك يعني في الاول والاخر الشقه هتكون لبناتك يعني مش هتخسر حاجه والنفقه اللي هتدفعها دي مصاريف بناتك بس يعني انت مش خسران حاجه
استغرب جمال من موافقت والدته وتحدث اليها پغضب قائلا لها. 
ولما الست أميرة تاخد الشقه هي وبناتها انا ومروة هنعيش فين
ڠضبت والدته عند ذكره لاسم مروة ثم تحدثت اليه پغضب قائلة له. 
متجبليش سيرتها انا مش عارفه كان عقلي فين لما وافقت تتجوز العقربه دي
ثم اضافت پغضب قائلة له. 
وبعدين الشقه دي من الاول كانت شقة أميرة وبناتها والعقربه مراتك التانيه دي ابقى شوفلها شقه برا ولا حاجه
تحدث جمال پغضب قائلا لوالدته. 
يعني يبقى عندي بيت واشوف لمراتي شقه برا وادفع ايجار للناس كل شهر
تحدثت والدته پغضب قائلة له. 
اومال هتعمل ايه دلوقتي
نظر جمال امامه بتفكير لعدة لحظات ثم تحدث بمكر قائلا.
انا هرجع أميرة لعصمتي تاني كده