الحلقة_26 أميرة_اخر_الزمان بقلمي_ملك_إبراهيم

ادفع نفقه لها وللبنات وادفع كمان ايجار شقه وخصوصا ان عنده زوجه تانيه واكيد لها مصارف برضه
نظروا اليه باهتمام وتركيز اضاف بهدوء قائلا لهم.
انا بقترح اننا نتكلم في تسجيل الشقه باسم مدام أميرة وبناتها ونتمكن من الشقة بعد توثيق العقد مباشرة ومدام أميرة تاخد شقتها رسمي وتثبت وجودها فيها اسبوع او اتنين بالكتير وبعد كده نقول انها مش مرتاحه في العيشه هناك وانها حابه تسكن برا وهتسكن شقتها دي وتاخد فلوس الايجار من هنا تدفعه للشقه التانيه اللي هتاخدها
تحدثت أميرة بثقة قائلة له. 
طب ما هما برضه هيرفضوا اني آآجر الشقة لحد تاني
تحدث المحامي طارق بهدوء قائلا لها. 
والله ساعتها يبقى يتكفل هو بقى بدفع لكي ايجار الشقه وتقفلي شقة بناتك وتفضل زي ماهي مقفولة وهو يدفع إيجار شقة تانيه
تحدثت راندا بهدوء قائلة لاميرة. 
هو مش بيت حماتك يا اميرة متقسم شقه فوق لوحدها وشقة حماتك لوحدها
حركت أميرة رأسها بالايجاب تحدثت اليها راندا بهدوء قائلة لها.
طب ما تفضلي هناك وكده كده جمال هيمضي على عدم التعرض ليكي وهيخاف يقربلك وبعدين لما تقعدي وسطهم متهيألي احسن ما تقعدي في إيجار وسط ناس غريبه متعرفهمش ومتنسيش ان انتي هتكوني ساكنه لوحدك
تحدثت اليها أميرة برفض قائلة لها. 
لا يا راندا انتي مش فاهمه انا بحس بإيه وانا عايشه معاهم هناك دول كرهوني اتنفس نفس الهوا اللي بيتنفسوه هناك
تابعها الدكتور محمد بتركيز شديد ثم تحدث بعد صمت طويل قائلا لهم.
تمام بالنسبه لموضوع الشقه ده مفيش مشكله انتي بس اضمني حق بناتك وخليه يكتبلكم الشقه وموضوع السكن برا دا انا ممكن اشوفهولك ونتكلم فيه بعدين
نظرت اليه أميرة وشعرت كأن والدها هو من يتحدث وهي تجلس تستمع اليه گابنته الصغيره شعرت بالراحه كثيرا عند استماعها ل حديثه بكل هذه الثقه وتأكيده انه سيظل بجانبها.
تحدث المحامي طارق بهدوء قائلا لهم. 
تمام وتاني حاجه هتكون نفقة البنات يعني انا عايز اعرف يكفيكي مصارفهم كام في الشهر
نظرت اليه أميرة بحيرة ثم نظرت إلى راندا وحركت كتفيها بحيرة قائلة له.
معرفش انا عمري ما حسبت انا بصرف كام علي البنات لاني من بعد ما خلفتهم وانا كنت دايما بحوش اي فلوس عشان عملية جنه
نظر اليها الدكتور محمد بحزن كلما استمع الي حديثها عن حياتها التي عاشتها في هذا الزواج يشعر بالحزن عليها اكثر تحدث اليها المحامي طارق بهدوء قائلا لها.
بصي يا مدام أميرة عشان اكون صريح معاكي احب اقولك ان اكتر مبلغ ممكن المحكمه تحكملك بيه نفقه للبنات مش هيتخطى الالف جنيه دا بالكتير جدا يعني الطبيعي والمتوسط بيكون من 500 جنيه ل 600 وممكن احنا نزودهم ل 750 دا بالكتير طبعا فاحنا مش عايزين نطلب كتير اوي عشان ميعاندش
تحدثت راندا إلى أميرة قائلة لها. 
مش مهم يا أميرة اي فلوس تيجي منه وخلاص وبعدين انتي كده كده هتشتغلي وربنا يعينك وتجيبي لبناتك الحلو كله
حركت أميرة رأسها بالايجاب قائلة له. 
تمام المبلغ اللي حضرتك تشوفه مناسب انا موافقه عليه
حرك المحامي طارق رأسه بالايجاب قائلا. 
تمام وكده مفضلش حاجه غير انه هيوقع بعد كل ده علي عدم التعرض ليكي يعني لو فكر يقرب منك او يبصلك حتى تقدري تسجنيه تاني
حركت أميرة رأسها بالايجاب ثم نظرت الي الدكتور محمد بتوتر وقلق قائلة له.
يعني انا المفروض كده هتنازل عن المحضر وهو هيخرج صح
ابتسم لها الدكتور محمد قائلا لها.