الحلقة 23 أميرة اخر الزمان بقلمي ملك إبراهيم

توكيل
نظرت اليه والدته پصدمة قائلة له. 
برضه أميرة يا محمد مش احنا اتفقنا مندخلش في مشاكلها الخاصه
تحدث الدكتور محمد باعتراض قائلا لوالدته.
احنا متفقناش علي حاجه يا امي احنا اتكلمنا وانا محترم كلامك جدا وفي نفس الوقت بعمل معاها اللي بيرضى بيه عليا ضميري أميرة بنت يتيمه ومسكينه ومحتاجه لليقف جمبها ويساعدها وانا مفيش في نيتي من نحيتها غير كل خير يبقى ايه اللي يمنع اني اقف جمبها واساعدها!!
تحدثت اليه والدته بهدوء قائلة له. 
اللي يمنعك كلام الناس يا محمد ونظرتهم للعلاقة بين اي راجل وست مهما كان مفيش في نيتهم اي حاجه ومتنساش انها دلوقتي ست مطلقة وانت كمان راجل مطلق يعني محدش هيفهم وقوفك جمبها غير بمعنى مش كويس ليكم انتم الاتنين
زفر محمد بضيق قائلا لوالدته. 
لو سمحتي يا امي انا بعمل خير وشئ مقتنع بيه جدا ومستحيل هتخلي عن واحدة مظلومه عشان كلام الناس اللي يتكلم يتكلم وربنا شاهد وعالم بنيتي
نظرت اليه والدته بقلة حيلة أنهى حديثه وذهب من المنزل وقفت والدته تتأمل الباب بحيرة ثم اتجهت الي الداخل وهي تفكر پخوف وقلق من تطور العلاقة بين ابنها وأميرة.
في شقة فتحي واماني..
استيقظت اماني باكرا لا تريد ان تنظر الي وجه زوجها بعد ما قاله لها..
قررت ان تترك المنزل وتهدده بطلب الطلاق اذا فكر في الزواج عليها كما قال لها ليلة امس.
اضاءة نور الغرفة كي تضع ملابسها بالحقيبة وتدعي بداخلها ان يستيقظ ويمنعها ويقول لها ان كل ما قاله لها بالامس كان مزحة منه وليس بحقيقة..
رن هاتف فتحي وهو بجواره اضاءة شاشة الهاتف بصمت لاحظتها اماني وعلمت ان هاتفه علي وضع الصامت اقتربت من الهاتف ونظرت اليه تظن انها امرأة أخرى تفاجأت برقم والدتها..
اخذت الهاتف بقلق وفتحت المكالمه تحدثت والدتها بسرعة قبل ان تعطي لها فرصة بالحديث قائلة..
ايوه يا فتحي انت فين من امبارح انت واماني عماله اتصل بيكم ومش بتردو
رت عليها ابنتها اماني بقلق قائلة لها. 
احنا كويسين يا امي خير كنتي بتتصلي علينا من امبارح ليه!
تحدثت والدتها بنواح قائلة لها. 
احنا من امبارح في مصېبة يا اماني واخوكي الحكومة جم خدوه من عندنا امبارح بالليل وبايت في القسم من امبارح وانا لوحدي ومش عارفه اتصرف وعماله اتصل عليكي وعلى جوزك مش بتردو
شهقت اماني پصدمة ثم تحدثت الي والدتها بصړاخ قائلة لها.
وجمال الحكومة جم خدوه ليه يا امي!
استيقظ فتحي على صوت زوجته المرتفع وجدها تتحدث بالهاتف بكت اماني وهي تتحدث الي والدتها قائلة لها.
متقلقيش يا امي احنا هنجيلك دلوقتي ونروح معاكي القسم
نظر اليها زوجها بعدم فهم اغلقت اماني الهاتف ونظرت اتجاهه وجدته يجلس فوق الفراش ينظر اليها بدهشة ثم تحدث بفضول قائلا لها.
في ايه ايه اللي حصل ومين اللي في القسم!
تحدثت اليه اماني پبكاء قائلة له. 
امي بتقول الحكومة جم خدوا جمال امبارح من البيت وبتقول ان أميرة هي اللي عملت له محضر
اعتدل فتحي في جلسته عند استماعه الي اسم أميرة وتحدث الي زوجته بفضول قائلا لها.
وأميرة عملت له محضر ليه!
اتجهت اماني الي خزنة الملابس قائلة بقلق.
لسه مش عارفه يا فتحي امي اتكلمت بسرعه ومفهمتش منها ايه اللي حصل اوي انا هلبس واروحلها عشان نروح القسم ل جمال ونعرف ايه الحكايه
فكر فتحي في أميرة وشعر بالفضول لي معرفة ماذا حدث من جمال كي تشتكيه للشرطة.
وقف فتحي من فوق الفراش قائلا ل أماني . 
طب استني انا هلبس واجي معاكم انا كمان مش هينفع اسيبكم ستات