الحلقة 22 أميرة اخر الزمان بقلمي ملك إبراهيم

ايه اللي حصل
تحدث اليها زوجها بصرامة قائلا لها. 
روحي اعملي شاي الاول وبعدين نتكلم
تحدثت والدة جمال سريعا قائلة لهم. 
لا متشكره خيركم سابق انا بس كنت عايزه اتكلم مع أميرة كلمتين كده بعد اذنكم يعني
نظر اليها الدسوقي بفضول قائلا لها. 
خير كلمتين ايه
نظرت اليهم والدة جمال بتوتر قائلة لهم. 
يعني يرضيكم يا ابو ضياء ان أميرة تحبس ابو بناتها هو جمال ده مش كان جوزها وفي بينهم عيش وملح يعني دي اخرتها الحكومه يجو ياخدوه من علي فرشته نص الليل كده
نظر اليها الدسوقي پصدمة قائلا لها. 
هي أميرة عملت ايه في جمال!
نظرت اليه والدة جمال بستغراب.
رفعت والدة أميرة حاجبيها پغضب قائلة ل ام جمال.
عيش وملح ايه اللي انتي جايه تتكلمي فيه يا ام جمال هو انتوا كنتوا صنتوا العيش والملح ده عشان تيجي تتكلمي دلوقتي كده دا اللي يسمعك كده ميقولش اللي انتوا عملتوه في بنتي ميقولش ان ابنك كسر نفسها واتجوز عليها صحبتها هي كانت أميرة ناقصه ايد ولا رجل عشان يروح يتجوز عليها ولا كان فيها عيب عشان يرميها عندك في اوضة هي وبناتها ويضربها وېهينها ويطردها في الشارع نص الليل
خفضت والدة جمال وجهها ارضا باحراج فكرت ان تظهر ندمها امام والدة أميرة كي يتعاطفون معها ويضغطوا على أميرة كي تتنازل عن المحضر و تحدثت بهدوء قائلة لوالدة أميرة.
والله يا أم أميرة انا لو لفيت الدنيا دي مش هلاقي ربع بنتك أميرة بس هقول ايه منها لله مروة هي اللي لعبت على ابني وسحرتله لحد ما اتجوزها ودلوقتي والله مطلعه عينينا وكان وشها علينا وش فقر من يوم ما دخلت علينا واحنا مشوفناش يوم عدل
تابع الدسوقي حديثهم ثم تحدث الي والدة جمال بفضول قائلا لها.
انا برضه لسه مش فاهم يا ام جمال هي أميرة عملت ايه في جمال ابنك
تحدثت والدة جمال بحزن قائلة لهم. 
يعني انت يا ابو ضياء متعرفش ان أميرة عملت محضر لجمال ابني في القسم والحكومة جم خدوه من علي سريره..
نظر اليها الدسوقي پصدمة ثم نظر الي زوجته تابعت والدة جمال نظراتهم الي بعض ثم اضافة والدة جمال بطريقة دراميه قائلة لهم.
انا روحتله القسم دلوقتي ومرضوش يخلوني اشوفه وقالوا عايزين أميرة تروح الصبح تتنازل عن المحضر
تحدثت اليها والدة أميرة پغضب قائلة لها. 
وايه اللي يخلي أميرة تروح تتنازل بعد ما ضربها وكسر ضلوعها وشتمنا وهزقنا وڤضح بنتي قدام الناس كلها هي كانت أميرة وحشه ولا كان شاف عليها حاجه عشان يجي يقول الكلآم اللي قاله ده انا الحمدلله بنتي متربيه احسن تربيه والدنيا كلها بتحلف بأخلاقها
تحدثت والدة جمال بالايجاب قائلة لها. 
وانا اشهدلها بأدبها واحترامها ومتزعليش يا ام أميرة من اللي جمال عمله اصله لسه بيحبها ولسه بيغير عليها ومقدرش يستحمل لما البنات قالوا انها كانت مع راجل تاني
ارتفع صوت والدة أميرة قائلة لها بقوة. 
أميرة مكانتش مع حد والراجل التاني اللي بتقولوا عليه ده يبقى الدكتور اللي هيعمل العمليه لجنه وأميرة خدت البنات راحوله المستشفي عشان يكشف علي جنه ويحدد ميعاد العمليه وكان معاها اخوها ضياء وراندا صحبتها انا بنتي عمرها ماعملت حاجه غلط وطول عمرها نضيفه لكن الدور والباقي علي ابنك هو اللي فاكر انها زيه
ابتلعت والدة جمال الاهانه بصمت وتحدثت برجاء قائلة ل ام أميرة. 
طب احنا عايزين نحل دلوقتي يا ام أميرة وجمال ابني صحيح غلط بس
ده برضه ابو بناتها وميصحش ابو بناتها يتسجن
ثم اضافة بفضول وهي تنظر حولها قائلة لهم.
اومال أميرة فين وانا اتكلم معاها
نظرت والدة أميرة الي زوجها ثم عادت ببصرها قائلة لوالدة جمال ببرود.
منعرفش أميرة فين
ثم اضافة پغضب. 
اصل ابو ضياء لما سمع كلام ابنك طردها من هنا
نظرت اليهم والدة جمال پصدمة وتحدثت بزهول قائلة لهم . 
اومال راحت فين دلوقتي!
تحدث الدسوقي ببرود قائلا لها. 
منعرفش ومنعرفش ايه حكاية المحضر اللي هي عملته ده
تحدثت والدة جمال بزهول قائلة لهم. 
اومال مين اللي خلاها تعمل محضر دا في القسم بيقولوا ان في حد تبعها موصي علي جمال ابني
نظر اليها الدسوقي بستغراب وتحدث الي زوجته بصرامة قائلا لها.
بنتك فين
حركت والدة أميرة رأسها قائلة له. 
معرفش وانت كنت شوفتني روحت معاها في حته انت طردتها وهي مشت ومعرفش راحت فين
وقفت والدة جمال پصدمة قائلة لهم. 
يعني ايه دا كده ابني هيتسجن ومش هيخرج لو مرحتش الصبح تتنازل
تحدثت اليها والدة أميرة بشماته قائلة لها. 
وحتى لو كانت أميرة هنا برضه مكانتش هتتنازل دا يوم المنى لما ندوخكم كده انتي وابنك في الاقسام وتدوقوا شويه من اللي بنتي داقته علي أيديكم
نظرت اليها والدة جمال پصدمة ثم تحدثت بتحدي قائلة لها. 
يبقى انتوا كده بقى اللي عايزين مشاكل وابني هيخرج ڠصب عنك انتي وبنتك بس ساعتها انا مش هخلي بنتك دي تلمح بس واحده من بناتها وابقي ورينا راجل من عندكم يقفلنا
تحدثت اليها والدة أميرة بسخريه قائلة لها. 
ربنا اللي هيقفلكم وعمر ما ربنا ينصر ظالم علي مظلوم ابدا... بقلمي ملك إبراهيم.
... يتبع
تفاعل حلو بقى على البارت شجعوني اكمل نشر باقي الرواية