الحلقة 15 أميرة اخر الزمان بقلمي ملك إبراهيم

من شغلها
نظرت اليها والدة الطبيب بحزن ثم تحدثت اليها بهدوء.
طب ممكن تنادي على أميرة عايزه اتكلم معاها شويه
حركت راندا رأسها بالايجاب ووقفت تنادي أميرة شعرت اميرة بالاحراج لكنها مستعده تفعل اي شئ من اجل ابنتها.
اقتربت أميرة من والدة الطبيب ونظرت اليها والدة الطبيب وتفاجأت انها فتاة صغيره وتحدثت اليها بهدوء.
انتي عندك كام سنه يا أميرة شكلك صغيره
تحدثت أميرة بتوتر. 
عندي 23 سنه
نظرت اليها والدة الطبيب بحزن قائلة لها.
هما الدكاتره قالولك ايه علي حالة بنتك بالظبط يا أميرة
تحدثت أميرة بتوتر. 
انا معايا حضرتك كل التحاليل والاشاعات اللي كنت عملهالها ومعايا كمان اسماء الادويه اللي هي بتاخدها
حركت والدة الطبيب رأسها بتفهم قائلة لها.
تمام يا أميرة انا النهاردة ان شاءالله هتكلم مع محمد ابني لما يرجع من المستشفى وهرد عليكي بس حاولي تجبيلي بكره كل الاشاعات والتحاليل وكمان اسماء الادويه اللي البنت بتاخدها وطبعا محمد هيحتاج يشوف البنت بنفسه بس ده بعد ما يشوف الاشاعات والتحاليل بتاعها الاول وان شاء الله خير اطمني
بكت أميرة من الفرح قائلة لها. 
ربنا يخليكي يا رب وان شاء الله انا هدفع كل فلوس العمليه بس هحتاج ان المستشفى يصبروا عليا شويه
تحدثت والدة الطبيب وهي تبتسم لها بطيبه قائلة لها.
متشليش هم يا أميرة وان شاء الله ربنا يشفي بنتك
ابتسمت لها أميرة ودموعها تنسال على خديها وقفت واستأذنت منها وذهبت الي عملها مرة أخرى حركت والدة الطبيب رأسها بحزن متعاطفة مع أميرة وحزنت عليها كثيرا كونها فتاة صغيره في بداية حياتها وتصبح الان أمرأة مطلقه ولديها فتاة مريضه وتتحمل هذه المسؤليه الكبيره واحدها. رواية أميرة اخر الزمان بقلمي ملك إبراهيم. 
في منزل والدة جمال.
نزلت مروة شقة حماتها وهي ترتدي ثوب للخروج.
اقتربت من حماتها وتحدثت اليها بطريقه فظه قائلة لها..
جمال قالي اخدك معايا عند الدكتور
رفعت حماتها حاجبها پغضب قائلة لها. 
ايوه هو قالي وانا مستنيه اماني تيجي عشان تقعد مع البنات لحد ما نرجع
جلست مروة وهي تحرك قدميها بعصبيه وتحدثت إلى حماتها بغيظ قائلة لها.
انا اصلا كنت عايزه اخد ماما معايا وانا رايحه اكشف النهارده
تحدثت اليها حماتها پغضب قائلة لها. 
والله اللي جوزك قالهولي قبل ما يمشي ان انا اللي جايه معاكي ومجبش سيرة امك دي خالص
نظرت اليها مروة بغيظ وتحدثت پغضب. 
طب انا عايزه فلوس الكشف وهاخد ماما معايا لاني مش هرتاح غير مع امي
ضحكت حماتها بسخرية قائلة لها. 
والله برحتك بس كده بقي يبقى الست والدتك هي اللي تدفعلك حق الكشف من معاها
شهقت مروة پغضب قائلة بصوت مرتفع. 
انتوا كمان عايزين امي اللي تدفعلي فلوس الكشف دا علي اساس ان انا جيالكم بلي في بطني ده هو ده مش ابن ابنك وانا ملزومه منه
دخلت اماني شقة والدتها علي صوت مروة العالي اقتربت منهم وسلمت على والدتها فقط وتجاهلت مروة اتغاظت مروة كثيرا ووقفت وتحدثت پغضب.
يلا عشان نلحق نحجز عند الدكتور قبل الزحمه
زفرت حماتها پغضب وتحدثت الي ابنتها اماني قائلة لها.
معلش يا اماني خلي بالك من بنات اخوكي وانا هروح معاها
تحدثت اماني بغيظ وهي تنظر الي مروة من الأعلى الي الاسفل بشمئزاز.
ربنا معاكي يا امي
في منزل والدة أميرة..
استيقظ زوجها يبحث عن أميرة ولم يجدها بالمنزل اقترب من زوجته وتحدث اليها.
اومال بنتك فين
تحدثت زوجته بهدوء. 
راحت الشغل من الصبح بدري ربنا يعينها
جلس زوجها كي يتناول الطعام وتحدث اليها ببرود.
وهترجع
من شغلها ده امتى هي دلوقتي مسئوله مني ولازم تعرفيها ان كل خطوه بعد كده بحساب ومتنساش انها واحده مطلقه دلوقتي يعني العين عليها
خفضت زوجته وجهها قائلة له. 
انت عارف تربية أميرة كويسه أميرة بنتي متربيه احسن تربيه وعمرها ماتغلط ابدا
نظر اليها زوجها پغضب قائلا بصوت مرتفع غاضب.
شوفوا الوليه انا بقول ايه وهي تقول ايه!! يا وليه انا عايز احافظلك على بنتك ومش عايز حد يقول في حقها كلمه بطاله يعني تقدري تقوليلي بنتك دي راحت فين دلوقتي
نظرت اليها زوجته بدهشة ثم تحدثت بثقة قائلة له.
راحت تشتغل مع راندا
حرك زوجها فمه بسخرية قائلا لها. 
وايه الشغل ده بقى ان شاءالله يعني بتشتغل ايه وفين وبتروح امتى وبترجع امتى مش دي كلها حاجات لازم نعرفها ولا هنسيبها كده تخرج وقت ما تحب وترجع وقت ما تحب وكل ما حد هيكلمها هتقول في الشغل والله اعلم الشغل ده ايه ويارب ميطلعش شغلانه بطاله
ردت زوجته بثقة قائلة له.
شغلانه بطاله ايه بعد الشړ أميرة متعملش كده ابدا وكمان راندا بنت حلال ومتربيه والعيبه متطلعش منها ابدا
نظر اليها زوجها پغضب قائلا لها. 
خلاصة الحديث الكلام اللي بقوله يتسمع انا عايز اعرف الهانم بنتك بتشتغل ايه وفين ومع مين وكمان عايز اعرف بتقبض امتي وبتقبض كام
نظرت اليه زوجته وحركت رأسها بالايجاب تريد ان تفعل له كل ما يريده كي لا يطلب من ابنتها مغادرة للمنزل.
جلس الدسوقي ينظر امامه بمكر وهو يفكر في اخذ اموال أميرة منها كل شهر.
في منزل والدة جمال.. .. بقلمي ملك إبراهيم
... يتبع
تفاعل جامد علي البارت عشان تشجعوني انشر باقي الرواية