رواية أميرة اخر الزمان بقلمي ملك إبراهيم الحلقة الرابعه عشر

وتحدث بهدوء قائلا لجمال
اديها حقها افضل لو هي مش مسامحه
نظر اليها جمال بتحدي قائلا بعناد  
هي ملهاش حق عندي واعلى ما في خيلها تركبه ولو عايزه ترفع قضيه تروح المحاكم مفتوحه ومحامي من عندها قصاده عشر محامين من عندي وتبقي تقابلني لو طالت مني جنيه واحد ومش بس كده انا كمان هقول اني طلقتها لما دخلت ولقيت معها راجل تاني وعندي اللي يشهدوا بكده وهسوء سمعتها وھفضحها والراجل من عيلتها يقفلي ويوريني هيقدر يعمل ايه
وقف الدسوقي زوج والدتها وتحدث اليه پغضب قائلا له
ميصحش اللي انت بتقوله ده يا جمال انت كده بتغلط فينا وانا قاعد ساكت عشان عايزين نخلص من الفيلم ده
ثم نظر الي أميرة وتحدث اليها بصوت صارم قائلا لها
وانتي يابت انتي هتتنازلي على الورق ونخلص ولا هتعملي ايه عايزين نروح نشوف اشغالنا مش فاضين للكلام الفاضي بتاعكم ده
نظرت اليهم أميرة بكره ملئ قلبها الجميع لا يفكر الا في مصلحته هو فقط كلهم معډومي الضمير عليها التخلص من هذا الزواج في اسرع وقت كي تتفرغ الي عملها وتستطيع اخذ بناتها
تحدثت أميرة بقوة قائلة لهم  
انا عايزه قبل اي حاجه اعرف انا هشوف بناتي ازاي
نظر اليها جمال بقسۏة قائلا لها  
وانتي عايزه تشوفي بناتك تعمللهم ايه!
تحدث المأذون بهدوء قائلا لجمال  
لازم تشوف بناتها دي ام وده حقها على الاقل تشوفهم ولو مرة في الاسبوع لو عايزين الطلاق يكون بالتراضي
نظر جمال امامه بتفكير ثم تحدث  
خلاص كل يوم الجمعه تبعت حد ياخدهم وعلي اخر اليوم يكونوا عندي بناتي ميبتوش برا بيت ابوهم
نظر المأذون الي أميرة قائلا لها  
ايه رأيك يا أميرة
تذكرت أميرة حديث في فريد في هذه اللحظه نعم كان معه حق هي لا تستطيع اخذهم الان وعليها التفكير بعقل وحكمه ولا تجعل ڠضبها وانتقامها يدمر حياتها وحياة بناتها عليها التفرغ الان لعملها كي تستطيع توفير الاموال في اسرع وقت ولا تأمن ان تترك بناتها مع امها وزوج امها والافضل لهم الان ان يبقوا في منزل والدهم
حركت أميرة رأسها بالايجاب قائلة لهم  
ماشي
اخذ الدسوقي زوج والدة أميرة ورقة التنازل واعطاها لها كي توقع عليها نظرت أميرة الي الورقه وهمست من قلبها قائلة
حسبي الله ونعم الوكيل انا مش مسامحه يا رب ومش متنازله عن اي حق ليا
ثم وقعت علي الورقه واعطتها الي زوج والدتها وقع زوج والدتها وصديق جمال گشهود علي التنازل
وقع جمال على عقد الطلاق واخذ الدسوقي عقد الطلاق واعطاه ل أميرة كي توقع هي الاخرى ووقعت دون تفكير او الشعور بلحظة ندم واحده وقع زوج والدتها وصديق جمال گشهود علي عقد الطلاق
شعور غريب بالارتياح تشعر به أميرة الان وقفت تستنشق الهواء وكأنها كانت بداخل قفص وتم اطلاق سراحها
وقفت والدتها وتحدثت الي الدسوقي زوجها بحزن وهي تبكي على طلاق ابنتها امام عينيها قائلة لزوجها
خلاص كده ولا ايه
تحدث زوجها بسعاده  
ايوه خلاص
ثم نظر الي جمال وتحدث معه  
يوم الجمعه انا هاجي اخد البنات عشان امهم تشوفهم
نظر اليه جمال بغرور قائلا له  
ومش هعيد كلامي تاني بناتي مش هيباتوا برا هتاخدهم الصبح واخر الليل يكونوا عندي المغرب بالكتير
تحركت أميرة وخرجت لا تريد استماع صوته اكثر من ذالك خرجت والدتها خلفها وخرج الدسوقي زوج والدتها خلفهم
ربت صديق جمال على كتفه بدعم وذهبوا معا  
رواية أميرة اخر الزمان بقلمي ملك إبراهيم
عادت أميرة إلى منزل والدتها مع والدتها وزوج والدتها
دخلت الغرفه مباشرة وجدت شقيقتها الصغيره بداخل
الغرفه طلبت منها الخروج وتركها بمفردها
جلست فوق الفراش وهي تحاول اخذ انفاسها براحه تحتبس دموعها بداخل عينيها لا تسمح لدموعها بالتساقط فهو لا يستحق ان تذرف دمعه واحده عليه لكنها لا تذرف الدموع من اجله فهي تذرف الدموع عليها هي وعلى بناتها لا تستطيع النوم بعيدا عنهم تتساءل ماذا يفعلون الان هل يلعبون ام يبكون هل اطعمتهم جدتهم ام تركتهم بدون طعام إلى الان
تمددت فوق الفراش وهي تضم جسدها سمحت لدموعها بالنزول اشتياقا لبناتها تدعي الله ان يحفظهم وتحاول ان تطمن قلبها ان الله معهم
عاد جمال الي المنزل في وقت متأخر من الليل صعد الي شقته ولم يدخل الي شقة والدته كي لا يستمع الي حديث والدته الكثير ولومها الدائم علي كل افعاله
انتظرته مروة بداخل شقتهم تريد ان تعلم ماذا فعل مع أميرة
دخل جمال شقته وهو يشعر ببعض الندم على طلاقه لأميرة
اقتربت منه مروة وتحدثت اليه بلهفة وفضول
اتأخرت ليه يا جمال وعملت ايه طمني
تحدث اليها وهو يجلس بتعب  
خلاص طلقتها وخلصت منها
ظهرت ابتسامة علي وجه مروة ثم تحدثت بفضول قائلة له
وهي عرفت ان انت طلقتها رسمي
تحدث جمال بالايجاب  
ايوه عرفت وكانت موجوده كمان وخلتها تمضي على تنازل عن كل حقوقها قبل الطلاق
لمعت عين مروة قائلة له  
جدع يا جمال ايوه كده عشان مش كل شويه توجعلنا دماغنا
وقف جمال وتحدث بتعب  
انا هدخل انام وارتاح شويه
تحدثت مروة بمكر  
وماله يا حبيبي ادخل ارتاح وانا هقعد قدام التلفزيون شويه
اتجه جمال الي غرفة النوم وجلست مروة براحه تنظر حولها الي الشقه بفخر هامسة براحه
معلش بقى يا أميرة نصيبك كده بقلمي ملك إبراهيم
يتبع
تفاعل جامد علي البارت عشان تشجعوني انشر باقي الرواية