#الحلقة_12 #أميرة_اخر_الزمان #بقلمي_ملك_إبراهيم

انا انا فين من كل ده معقول ربنا شايف كل الظلم ده وراضي بيه ولما انا اقول لأ يغضب عليا انتي شايفه ان دا عدل ربنا يا امي انتي شايفه ان ربنا يرضى بكده!
خفضت والدتها وجهها بحزن قائلة لها. 
معلش يا أميرة الستات اتكتب عليهم يستحملوا ياحبيبتي ويصبروا اديكي اهو شايفه عمك الدسوقي عامل فيا ايه وكل يوم والتاني يبهدلني شتيمه وضړب واهانه ومفرج علينا الناس كل يوم والتاني بس هعمل ايه اهو ضل راجل ولا ضل حيطه
ڠضبت أميرة كثيرا من حديث والدتها السلبي وتحدثت بقوة.
وانا دلوقتي يا امي مش عايزه ضل راجل انا عايزة ضل الحيطه هو ده اللي انا محتاجاه علي الاقل ضل الحيطه هيسترني وهداري فيه وانا مطمنه لكن جمال ده ميتحسبش راجل اصلا دا واحد ابن امه ومبيفكرش غير في نفسه وبس وانا خلاص تعبت ومش هقدر استحمل اكتر من كده
حركت والدتها رأسها بالرفض قائلة لها. 
طب اهدي يا أميرة وانا لما عمك الدسوقي يصحى هحكيله اللي حصل واخليه ياخدك وتروحي لجوزك تستسمحيه وتطيبي خاطره بكلمتين وعمك الدسوقي برضه يتكلم معاه ويقوله ميزعلكيش تاني ويتقي فيكي ربنا انتي مهما كان ام بناته ويخليه يردك ليه تاني خړاب البيوت مش بالساهل يا أميرة
فتحت أميرة عينيها پصدمة وقفت تنظر الي والدتها بزهول تحدثت بصوت مصډوم قائلة لوالدتها.
بقى بعد كل اللي انا قولتهولك ده وتقوليلي اروح استسمحه دا كان محرم عليا دخولك الشقه عندي وكان ذللني وماسح بكرمتي الارض وكل ده وعايزاني اروح استسمحه كمان
ظهر صوت زوج والدتها الدسوقي ومن الواضح انها كان يقف متخفيا يستمع الي حديثهم دخل الغرفه وتحدث الي أميرة وهو يتأملها من الأعلى الي الاسفل بنظرات تفهمها أميرة جيدا قائلا لها.
أميرة عندها حق و الواد جمال ده كان من الاول مش نازلي من زور وانا كنت رافض الجوازه دي وانتو اللي اصريتو عليه واهو الايام لفت وانا طلعت عندي حق و عشان تبقوا تسمعوا كلامي بعد كده
ارتعد جسد أميرة من نظراته اليها تتذكر محاولاته الكثيره في التحرش بها تراجعت بخطواتها خائڤة من اقترابه منها وقفت والدتها وتحدثت الي زوجها بحزن قائلة له.
يعني هنسيبها كده تخرب بيتها بإيديها! ما البيوت ياما بيحصل فيها وهي لازم تستحمل انا بقول تاخدها وتروح تتكلم معاه وتراضيهم على بعض وتخليه يردها لعصمته تاني
نظر الدسوقي الي أميرة وتحدث اليها بفضول.
انتي عايزه ترجعيله تاني .. بقلمي ملك إبراهيم
... يتبع
تفاعل جامد علي البارت عشان تشجعوني انشر باقي الرواية