#الحلقة_12 #أميرة_اخر_الزمان #بقلمي_ملك_إبراهيم

يا راندا مش هقدر اعيش بعيد عنهم
تحدثت راندا بقوة قائلة لها. 
بناتك هتاخديهم ڠصب عنه انتي حاضنه وهو ڠصب عنه مجبور يوفرلك سكن ومصاريف البنات
حركت أميرة رأسها باعتراض قائلة ل راندا. 
انا مش عايزه سكن ومصاريف بناتي يا راندا انا عايزه اعمل العمليه لبنتي في اسرع وقت ومفيش فيا حيل للمحاكم واللف في الأقسام عايزه اعمل ل جنه العمليه واطمن عليها وبعد كده هعرف جمال ان الله حق وهاخد حقي منهم كلهم
نظرت اليها راندا بحزن قائلة لها. 
عندك حق يا أميرة المهم دلوقتي فعلا هي عملية بنتك وهي هتحتاج فلوس كتير اوي مع ان المفرض ان ابوها هو اللي يتكفل بكل ده بس هنقول ايه بقى حسبي الله ونعم الوكيل
نظرت أميرة امامها بحزن اقتربت منهم والدة راندا جلست بجوار أميرة وتحدثت اليها بحزن قائلة لها.
متزعليش يا حبيبتي ان شاء الله ربنا هيعوضك بالراجل اللي يستهلك ويقدرك
حركت أميرة رأسها بالرفض قائلة بقوة. 
انا مش عايزه رجاله في حياتي تاني انا عايزه عوض ربنا ليا يكون في بناتي نفسي ربنا يشفيلي بنتي واخد بناتي واعيش بيهم في امان بعيد عن اي مشاكل
ربتت راندا على يدها بتشجيع قائلة لها. 
ان شاءالله كل اللي نفسك فيه هيحصل يا أميرة ربنا كبير وقادر يعوضك بكل اللي انتي بتتمنيه
نظرت اليها والدة راندا وتحدثت بحزن. 
معلش يا حبيبتي ربنا عنده العوض 
رواية أميرة اخر الزمان بقلمي ملك إبراهيم
في منزل ام جمال..
وصل فريد المنزل وهو حزين على أميرة واحزنه اكثر رفضها القاطع عندما عرض عليها المساعدة ويعلم جيدا انها على حق ومن المستحيل ان تثق به وهو من عائلة جمال.
استقبلته والدته وهي تنظر اليه بتوتر واسرعت في الحديث قائلة له بتوتر.
يلا يا فريد نرجع اسكندريه انا واختك جاهزين
وقف فريد ينظر إلى والدته بدهشة ثم نظر الي خالته وجدها تجلس وتنظر اليه پغضب اقتربت منه شاهندا وتحدثت اليه بفضول قائلة له.
انت اتأخرت كده ليه يا فريد بقالك ساعتين بتوصل الست أميرة لبيت امها!!
نظر اليها پغضب تحدث اليها بعصبيه قائلا لها.
ياريت تلزمي حدودك يا شاهندا ومتنسيش ان أميرة دي تبقي ام بنات اخوكي
نظرت اليه خالته پغضب وتحدثت معه قائلة له بحدة. 
متنساش انت يا فريد ان جمال يبقى ابن خالتك واخو خطيبتك
نظر اليها فريد پغضب ثم نظر الي والدته التي تقف امامه تترجاه بعينيها ان يصمت ولا يرد على خالته زفر فريد پغضب مكتوم وخرج من الشقة متجها إلى الاسفل وقفت والدته وسلمت سريعا على شقيقتها وابنة شقيقتها واخذت ابنتها ولحقوا ب فريد بالاسفل.
نظرت شاهندا الي والدتها بعد ذهاب خالتها وابنتها فاتن وتحدثت الي والدتها پغضب قائلة لها.
يعني اتبسطوا انتي وعيالك لما بوظتو ليلتي كده جوز الست اماني يخبط نفسه ويبوظلي ليلتي والاستاذ ابنك مراته اللي سابها واتجوز عليها فجأة تحلى في عينيه ولما مترضاش بيه يطلقها ويفرج علينا الناس كده
نظرت اليها والدتها پغضب ثم تحدثت اليها بصرامه قائلة لها.
انا زهقت منكم انتوا التلاته ربنا ياخدني ويريحني من قرافكم للكبير مريحني ولا الصغيره مريحاني
بكت جنه پخوف وهي تنظر إلى جدتها وهي تتحدث الي شاهندا بصوت مرتفع صړخت بها جدتها وتحدثت اليها بصوت غاضب.
بس انتي كمان مش نقصاكي
نظرت اليها الطفلة پخوف وبكت اكثر وقفت جدتها وصړخت بوجهها قائلة لها هي وشقيقتها.
بصي بقى انتي واختك عياط ودلع مش عايزه انا فيا اللي مكفيني تدخلوا تتخمدو