الحلقة التاسعة أميرةاخر_الزمان بقلم _ملك إبراهيم

طيبه وهبله
نظرت اليه حماته بغموض تحاول فهم ما يدور برأسه لاحظ فتحي نظرات حماته اليه توتر قليلا ثم وقف قائلا لها.
احنا هنقوم بقى عشان نرجع شقتنا مش محتاجه اي حاجه يا حماتي
تحدثت حماته وهي تنظر اليه بغموض. 
عايزاك سالم يا نن عين حماتك
وقفت اماني وسلمت على والدتها كي تذهب مع زوجها
بداخل غرفة أميرة.
جلست راندا امام أميرة فوق الفراش تحدثت أميرة الي طفلتيها وطلبت منهم الخروج من الغرفه للعب بالخارج أمام جدتهم.
نظرت راندا الي أميرة وحدثت اليها بحزن قائلة لها.
مالك يا أميرة ايه اللي حصل وليه مجتيش الشغل
بكت أميرة واخبرتها بكل ما حدث معها واخبرتها بما اراد فعله فتحي معها ثم اضافة وهي تبكي.
انا بقيت خاېفه اوي هنا يا راندا خاېفه انام وخاېفه اتحرك من مكاني انا حاسه اني بقيت كرهه النفس اللي بتنفسه هنا
نظرت اليها راندا بحزن تحدثت اليها بهدوء. 
بصراحه انتي معاكي حق في كل كلمه يا أميرة دا انا مش مستحمله اقعد هنا دقيقتين الله يكون في عونك
بكت أميرة وهي تتحدث پخوف. 
انا مش عارفه اعمل ايه يا راندا واروح فين لو مشيت من هنا انا والبنات هتبهدل بيهم وجوز امي راجل ميعرفش ربنا وانا اخاڤ على بناتي منه وكمان جمال منعني من الشغل يعني كده مش هعرف اجيب فلوس لعملية جنه ولو جرالها حاجه انا ھموت قبلها
حركت راندا رأسها بحزن لا تعلم كيف تساعدها بكت من الحزن عليها قائلة لها.
ان شاء الله كل ده هيعدي يا أميرة وجنه هتعمل العمليه وهتخف وربنا هيعوضك عن كل اللي انتي عايشه فيه دلوقتي
نظرت أميرة الي السماء وهي تبكي تنادي ربها ان يخرجها من هذا الضيق ربتت راندا على يديها ثم تحدثت اليها بحزن قائلة لها.
يعني انتي كده مش هتيجي معايا تاني
حركت أميرة رأسها ب لا وهي تبكي قائلة لها.
لحد دلوقتي لا بس انا هتكلم مع حماتي تاني واخليها تحاول تقنع جمال وربنا يهديه ويوافق
حركت راندا رأسها بالايجاب ثم فتحت حقيبتها واخرجت منها مبلغ قليل من المال واعطته ل أميرة في يدها قائلة لها.
طب خدي الفلوس دي خليها معاكي
رفضت أميرة اخذ الاموال ووضعتها مرة أخرى بيد راندا لم تأخذهم راندا وتحدثت اليها برفض قائلة لها.
والله الفلوس دي مش هترجع يا أميرة وخليهم معاكي عشان لو واحده من البنات احتاجت حاجه يبقى معاكي فلوس
تحدثت أميرة بالرفض قائلة لها. 
انا معايا راندا والله متقلقيش
وقفت راندا ورفضت اخذ الاموال مرة أخرى قائلة لها.
لو مخدتيش الفلوس يبقي تحرم عليا صحبتك يا أميرة ارتاحتي كده
عانقتها أميرة وهي تبكي قائلة لها. 
ياريت كل الصحاب يبقوا زيك يا راندا ربنا يباركلك في ابنك يارب
ابتسمت لها راندا قائلة لها بحنان. 
ويباركلك في بناتك ويشفي جنه يارب
ثم اضافة وهي ترتدي حقيبتها قائلة ل أميرة.
انا همشي بقى عشان متأخرش وانتي خلي بالك من نفسك ومن البنات ولو احتاجتي اي حاجه كلميني
حركت أميرة رأسها بالايجاب واصطحبتها الي خارج الغرفة القت راندا التحيه على حماة أميرة وذهبت نظرت حماة أميرة اليها بعد ذهاب صديقتها تحدثت اليها بهدوء قائلة لها.
تعالي اقعدي يا أميرة عايزاكي
نظرت اليها أميرة ثم نظرت حولها بتوتر تبحث عن أماني وزوجها ثم نظرت مرة أخرى الي حماتها وتحدثت اليها بتوتر قائلة لها.
هي.. هي اماني روحت
نظرت اليها حماتها بغموض قائلة لها. 
ايوه روحت هي وجوزها
تنفست أميرة براحه بعد ان اخبرتها حماتها بذهاب ذاك الحقېر فتحي نظرت اليها حماتها بتفكير ثم اضافة بفضول قائلة لها.
لسه برضه مش عايزه تقوليلي صوتي