انتي نسيتي نفسك

انتي نسيتي نفسك ولا ايه ؟ دا أنتِ حتة خدامه متسواش .. وهتجوز عليكي علشان مبقتيش تنفعيني ، ابوكي وأخواتك باعوكي ليا وانا اللي عملتك وسفرتك بلد مكنتيش تحلمي بيها،  لا فوقي يا ماما انا  اللي عملتك من مفيش..وصلتي للمرحله دي من التعليم والاسم والشهره من فلوسي وتعبي عليكي 
_ انت بتقولي الكلام ده انا يا مراد!
_ واقوله للي خلفوكي ذات نفسه !
دا اللي قدرت تنطق بيه بعد كميه الذل والقهر اللي عاملها بيه في الوقت دا حست باليتم الحقيقي للمره الالف هو مكذبش فو لا حرف انا فعلا اتباعت بالرخيص لشخص لا شوفته ولا شافني، واتربيت مع ناس طلعوا في الاخر مش من مني ولا من دمي انا لما قبلت بيه حكيتله وهو كان متفهم ومع تفاهمه دا اسسنا بيتنا وحياتنا وهو كان شخص مغترب ومحبش يسيبني مع بيت أهله..مقدرش اقول بكرهه ولا بحبه بس بينا حاجات كتير اوي حلوه معرفش فين ضيعهم ولا فين وليه خسرته..

انتقلت لعيشه تانيه علي أيديه بعد ما كنت مهمشه تماما ونكره من الجميع ماعدا والدي اللي نصحني وشار عليا بيه..
بصتله بعيون مكسوره وقولتله..
_ دا كله علشان مش موافقه تتجوز وتخرب بيتنا يا مراد طب سيبك مننا طيب ولادنا هيهونوا عليكي..
للحظه حسيت بلمحه حزن في عنيه ، كنت عارفه اني في شيء ورا قناعه دا، مراد كان فعلا بيحبني لحد ما ظهرت في حياتنا الحيه مديرته، قبل ما يبصلي ويرد بغل:
_ اه يهونوا عليا عادي جدا، ولا اقولك..
بصلي بسخريه اول مره يكلمني بيها من يوم ما عرفته وقال:
_ اتنازلي عنهم وانا اربيهم.
_ مستحيل..
_ معندكيش خيارات البلد هنا فيها قانون غير قوانين المرأة في بلادنا اللي بنتعامل بيه..انتي هنا مش مخيره انتي مجبره توافقي يا ايسل..انا هتجوز والولاد عاوزين عيله واستقرار 

فكري فيها وانا هراضيكي باللي عاوزاه متقلقيش..
بصتله من فوق لتحت پصدمه، وكره بانوا في ملامحي زودوا  من حقده عليا اللي ظهرفجأة