الحلقة_43 أميرة_اخر_الزمان بقلمي_ملك_إبراهيم

مروة..
جلست مروة بمنزل والدتها وهي تحمل ابنها علي يديها تتذكر حديث الطبيب لها بعد ان تم الكشف علي ابنها وبعد التحاليل والاشاعات اخبرها الطبيب ان الطفل حدث له خلل اثناء تكوينه بداخل رحمها في الشهور الأولى واصبح طفل مشوه ويعاني من التأخر الذهني سألها الطبيب عن طبيب النساء الذي كان يتابع حملها واخبرته مروة انها لم تكن حريصه على الذهاب للطبيب في شهور حملها الاخيره أخبرها الطبيب ان ابنها يحتاج لرعايه خاصه وكتب لها ادويه يحتاجها الطفل ضروريا في هذه الفترة الأولى من حياته.
فاقت من شرودها علي صوت والدها المرتفع وهو يتحدث الي امها بالخارج.
اسكتي يا وليه انتي انا صبري نفذ تروح لجوزها هو اللي يصرف عليها وعلي ابنه انا مش اجوزها وترجعلي شايله عيل تعبان عايز علاج اد كده ابوه أولى بيه هو اللي يصرف عليه وعليها واشكر انا اوي لحد كده قاعده عندي بقالها اسبوعين واكتر والباشا جوزها مفكرش يجي يدفع جنيه واحد وانا اللي شايل مصاريفها هي وابنها
استمعت مروة الي حديث والدها القاسې وضعت ابنها فوق الفراش وتحاملت على نفسها ووقفت كي ترتدي ثيابها وتأخذ ابنها وتذهب الي منزل جمال.
دخلت والدتها الغرفة وتحدثت اليها بستغراب.
بتعملي ايه يا مروة!
تحدثت مروة بتعب وهي تبكي.
بلبس عشان ارجع بيت جوزي يا امي كفايه عليكم اوي لحد كده وابويا عنده حق في كل كلمه قالها
اقتربت والدتها وتحدثت اليها بحزن.
معلش يا مروة انتي عارفه ابوكي والحمل عليه تقيل اوي يا بنتي واللي جمال عمله ده ميصحش من يوم ما ولدتي وهو لا حس ولا خبر وسايبك انتي وابنه ولا معبر وابنك ده حمل تقيل اوي يا مروة مش هتقدري تشليه لوحدك
بكت مروة وحركت رأسها بالايجاب واخذت ابنها وحملته بين يديها تحدثت اليها والدتها.
خلي بالك من نفسك يا حبيبتي ولما توصلي بيت جوزك ابقي طمنيني
نظرت مروة الي امها بحزن وخرجت وهي تحمل ابنها علي يدها وتسير بخطوات بطيئه بسبب تألمها من الچرح.
___________
في منزل والدة جمال..
جلست شاهنده تتحدث الي يوسف بالهاتف استمعت الي صوت امها تنادي عليها اغلقت الهاتف وذهبت الي امها طلبت منها امها ان تفتح الباب اقتربت شاهنده من باب الشقه وفتحته تفاجأت ب مروة تقف امامها بوجهها الشاحب والسواد يحاوط عينيها نظرت شاهنده الي الطفل علي ذراع مروة وتوترت كثيرا تحدثت اليها مروة بتعب.
هو جمال فين يا شاهنده عندكم ولا فوق
استمعت حماتها الي صوتها وخرجت تتحدث اليها بستغراب.
مروة!! انتي ايه اللي جابك
استغربت مروة من سؤالها وتحدثت اليها پغضب.
انا جايه بيت جوزي
تحدثت اليها حماتها بملل.
طب تعالي يا مروة ادخلي
دخلت مروة وهي تحمل ابنها علي يدها جلست وهي تتألم من چرح الولاده وقفت شاهنده تنظر اليها بتوتر تحدثت مروة الي حماتها بلوم.
يرضيكي اللي جمال عمله معايا ده من يوم الولاده وهو مفكرش حتى يسأل عليا هو يعني العيل ده كنت انا اللي حطاه في بطني كده مش ده ابنه برضه
نظرت حماتها الي الطفل وتحدثت ببرود.
اعذريه يا مروة هو كان نفسه في الولد بس مكنش يعرف ان الولد هيجي كده
ردت مروة پغضب.
وجه كده هنعمل ايه يعني هنموته!
تحدثت حماتها.
استغفر الله العظيم لا طبعا يا بنتي بس جمال صعبان عليه فرحته اتكسرت
نظرت مروة الي ابنها وتحدثت باڼهيار.
انا اللي قلبي اتكسر الواد محتاج علاج غالي اوي ومش عارفه اعمل ايه
اقتربت منها شاهنده وتحدثت اليها
بفضول.
هو الدكتور قالك هو اتولد كده ليه
ردت مروة پبكاء.
نصيبه كده
تحدثت والدة جمال الي مروة.
بصي يا مروة انتي طبعا عارفه الظروف اللي احنا فيها وجمال حاله اتقلب من بعد ولادتك ومش طايق حد حتى مبينزلش عندي هنا وعايشه لوحده فوق انا بقول تقعدي معانا اليومين دول في الشقه هنا لحد ما جمال يهدى ونشوف هنعمل ايه
ردت مروة بقلق.
طب وعلاج الواد هعمل فيه ايه
نظرت حماتها الي الطفل وتحدثت بفضول.
العلاج ده يعني هيخليه يخف ويبقى عيل طبيعي ولا فلوس هتترمي علي الارض وخلاص!
نظرت مروة الي ابنها وبكت بحزن فهمت حماتها ان مفيش فايده من العلاج تحدثت الي مروة بهدوء.
طب خدي ابنك وادخلي في الاوضه ارتاحي شويه يا مروة وسيبيها لله وانا هكلم جمال واشوفه ناوي علي ايه
تحدثت مروة پصدمة.
يعني ايه ناوي على ايه!
وقفت حماتها وتحدثت بصرامه.
قولتلك سيبيها لله يا مروة وقومي ادخلي انتي وابنك
تركتها حماتها واتجهت الي غرفتها نظرت شاهنده الي مروة وابنها پخوف واتجهت هي الأخرى الي غرفتها جلست مروة تبكي علي ابنها وتعلم ان جمال لن يدفع ثمن علاج ابنه والخۏف الاكبر ان يتركها كما فعل مع اميرة ويتزوج من اخرى ويتركها تتحمل مسؤلية ابنها كما فعل مع اميرة.
دخلت شاهنده غرفتها وهي تفكر پخوف هل الدواء الذي اعطته ل مروة سبب في تشوه الطفل مسكت بهاتفها وبحثت على الإنترنت عن اسم الدواء وعن تأثيره علي الطفل اذا اكتمل الحمل اثناء بحثها رن الهاتف برقم يوسف ردت عليه شاهنده وهي تبكي بعد ان قرأت ان هذا الدواء يسبب تشوهات للجنين في بعض الحالات تحدث اليها يوسف بفضول بعد ان استمع الي صوتها الباكي.
حبيبتي بټعيطي ليه
تحدثت اليه شاهنده پبكاء.
انا عملت مصېبه يا يوسف وخاېفه جمال اخويا يعرف دا لو عرف هيموتني... بقلمي ملك إبراهيم.
... يتبع
تفاعل جامد بقى شجعونى اكمل نشر باقي الفصول