الحلقة 16 أميرة اخر الزمان بقلمي ملك إبراهيم

قائلا له. 
أميرة اتفقت مع دكتور هيعمل العملية ل جنه وعايزه الاشاعات والتحاليل عشان الدكتور يشوفهم
نظر اليه جمال بستغراب شديد يفكر بصمت من اين ستأتي أميرة بالاموال لأجراء العمليه بهذه السرعه!.
وقف ضياء ينتظر ان يرد عليه جمال اعتقد جمال ان أميرة تريد هذه الاوراق لرفع دعوة قضائية ضده واقنعه شيطانه ان هذا الحديث ما هو الا خدعة منهم.
رفع جمال حاجبه بمكر قائلا ل ضياء. 
قولها ان انا قطعت الاشاعات والتحاليل وكل الحاجات اللي هي عيزاها دي
نظر اليه ضياء بستغراب قائلا له. 
قطعتها ازاي يعني!
تحدث اليه جمال ببرود. 
قطعتها زي الناس دي حاجات ملهاش لازمه عندي وقطعتها
حرك ضياء كتفه بالايجاب قائلا له. 
طيب هروح اقول ل أميرة الكلآم ده
تحدث جمال بفضول. 
هو في حد في البيت عندكم
تحدث ضياء بحسن نيه قائلا له. 
مفيش غير امي وأميرة اختي لسه راجعه من الشغل دلوقتي
ڠضب جمال كثيرا وتحدث بصرامه قائلا له.
هي كمان لحقت تنزل الشغل! دا اختك شكلها مش عايزه تضيع وقت
نظر اليه ضياء وتحدث بملل قائلا له. 
يعني الحاجات اللي أميرة عيزاها مش عندك وانت قطعتها صح
تحدث جمال ببرود قائلا له. 
عليك نوووور اهو هو ده اللي انا عايزك تقوله ل اختك
حرك ضياء رأسه بتفهم وذهب ليعود الي منزله.
وقف جمال ينظر امامه بتفكير ويعتقد ان أميرة تريد محاربته عن طريق مرض ابنتها.
دخل المنزل وصعد الي شقة والدته وجد اماني شقيقته تجلس مع والدتها القى عليهم التحيه وردت عليه والدته لكن اماني تجاهلته غاضبة منه على ما فعله بأميرة.
نظر جمال الي شقيقته اماني بستغراب قائلا لها.
مبترديش عليا السلام ليه يا اماني.. هو انا عملت حاجه زعلتك ولا ايه!!
نظرت اليه شقيقته پغضب قائلة له. 
هو لما انت تطلق أميرة وتشرد بناتك كده يبقى مزعلتنيش!!
زفر جمال پغضب قائلة لشقيقته. 
يادي أميرة اللي مبقاش ورايا غيرها هي ايه حكايتها معاكم بالظبط فجأة كده بقت أميرة ملاك وانا شيطان!!
ردت عليه شقيقته بحزن قائلة له. 
انا صعبان عليا بناتك يا جمال بناتك كل دقيقه يسألوا علي امهم ودول لسه عيال وميعرفوش حاجه ومحتاجين رعايه ومحدش هيحبهم ولا هيهتم بيهم زي امهم
تحدث جمال ببرود قائلا لشقيقته. 
مروة هتعوضهم غياب امهم وكمان انا مش هحرمهم من امهم وكل يوم جمعه هيروحوا يقضوه معاها ويرجعوا يناموا في بيت ابوهم هنا
نظرت اليه والدته وتحدثت معه پغضب. 
طب ومين اللي هيراعيهم باقي الأسبوع والهانم مراتك قاعده ومتستته فوق واعمل حسابك دي اخر مره هروح معها كشف لها ابقى خليها تروح مع امها
وقف جمال وهو يتحدث بتعب قائلة لوالدته.
انا زهقت من البيت ده بقى كله دوشه ومشاكل
ثم ترك والدته وشقيقته وصعد للأعلى نظرت والدته الي ابنتها اماني وتحدثت الي ابنتها پغضب قائلة لها.
شوفتي الواد وعمايله فيا مش عايز يشيل مسئولية ابدا
تحدثت اماني بحزن. 
انتي اللي عملتي فيه كده يا امي
ثم وقفت اماني پغضب قائلة لوالدتها. 
اما اروح انا مبقاليش نفس اقعد في البيت ده
نظرت اليها والدتها پصدمة تشعر ان المنزل اصبح خړاب من بعد ذهاب أميرة.
في شقة جمال بالأعلى.
صعد جمال الي شقته ودخل الشقه بهدوء قابلته مروة بوجه مقتضب.
اغلق جمال الباب پعنف واقترب منها وهو ينظر اليها پغضب قائلا لها.
قابله وشك ليه!
رفعت مروة حاجبها پغضب قائلة له.
يعني عجبك اللي امك عملته معايا النهارده ده تيجي معايا عند الدكتور وانا ماشيه معاها زي العيله الصغيره
نظر اليها جمال بملل اضافة مروة
بطريقة غاضبه صارمه.
انا عايزه فلوس في ايدي يا جمال نظام كل ما احتاج حاجه اطلب من امك ده مش عجبني وانا متعودتش اطلب من حد
رفع جمال حاجبيه پغضب قائلا لها.
وانا متعودتش ادي لمراتي فلوس في ايديها الفلوس امي اللي بتاخدها وهي بتمشي البيت وانتي اللي ليكي عندي انك لما تحتاجي حاجه تلاقيها ومش عايز كلام كتير في الموضوع ده وعيشي زي اللي قبلك ما كانت عايشه
ڠضبت مروة كثيرا وتحدثت بغرور قائلة له.
بس انا مش زي اللي قبلي يا جمال وانت عارف كده كويس
نظر اليها من الأعلى إلى الاسفل يتأمل وجهها الباهت تأثير الحمل وثيابها وتحدث ببرود قائلا لها.
مبقتيش تفرقي عنها كتير
فتحت مروة عينيها ڠضبت كثيرا منه ترى انه اهان انوثتها عند تشبيهه لها انها اصبحت تشبه أميرة تفعل له سابقا كانت تعتقد انه احبها حقا وسوف يعشقها بكل حالتها لكنها تأكدت الان انه شخص اناني لا يفكر في احد غير نفسه.
تركها جمال ودخل غرفة النوم واغلق الباب عليه وقفت مروة تتابعه وهي تفكر في تأمين حياتها معه فهي لا تشعر معه بالأمان وتخشى ان يأتي اليوم وتشغله امرأة أخرى ويتركها من أجلها كما فعل مع أميرة. .. بقلمي ملك إبراهيم
... يتبع
تفاعل جامد علي البارت عشان تشجعوني انشر باقي الرواية