الحلقة 13 أميرة اخر الزمان بقلمي ملك إبراهيم

الحلقة_13
أميرة_اخر_الزمان
بقلمي_ملك_إبراهيم
أميرة عندها حق و الواد جمال ده كان من الاول مش نازلي من زور وانا كنت رافض الجوازه دي وانتو اللي اصريتو عليه واهو الايام لفت وانا طلعت عندي حق و عشان تبقوا تسمعوا كلامي بعد كده
ارتعد جسد أميرة من نظراته اليها تتذكر محاولاته الكثيره في التحرش بها تراجعت بخطواتها خائڤة من اقترابه منها وقفت والدتها وتحدثت الي زوجها بحزن قائلة له.
يعني هنسيبها كده تخرب بيتها بإيديها! ما البيوت ياما بيحصل فيها وهي لازم تستحمل انا بقول تاخدها وتروح تتكلم معاه وتراضيهم على بعض وتخليه يردها لعصمته تاني

نظر الدسوقي الي أميرة وتحدث اليها بفضول.
انتي عايزه ترجعيله تاني
نظرت اليه أميرة پخوف وحركت رأسها ب لا.. ابتسم الدسوقي بارتياح وتحدث اليها مرة أخرى قائلا لها.
هو رمى عليكي اليمين بس ولا هيطلقك رسمي
تحدثت أميرة پخوف. 
هو طلقني قدام امه واخواته وقال هيبعتلي قسيمة الطلاق
وسعت ابتسامته اكثر وتحدث برضا قائلا لها.
يغور في داهيه واد وش فقر وخسارة فيه النعمه و احسن حاجه عملتيها انك سبتيله عياله يقطعهم فوق دماغه
تقف أميرة تنظر اليه پخوف تخشى العيش معه بهذا المنزل لكن لا باليد حيلة وهي مجبره ان تعيش معهم هنا وعليها حماية نفسها منه بقوة.
تحدثت والدة أميرة بقلة حيلة مع زوجها قائلة له.
واحنا هنسيبه كده من غير ما ناخد حقوقها القايمة والعفش اللي مكتوب فيها كله والمأخر والنفقه بتاعها
تحدثت أميرة پبكاء قائلة لوالدتها. 
هو باع عفش الشقه واشترى غيره لمروة وجهازي كله عند حماتي هي بتستعمله
تحدثت والدتها پغضب. 
يجيبلك غيره او يدفع حقه زي ما مكتوب في القايمة
ثم نظرت الي زوجها وتحدثت اليه باصرار. 
احنا مش لازم نسيب حقها يا ابو ضياء ولازم نربيه ونجرجره في المحاكم
رد عليها زوجها وهو مازال ينظر إلى أميرة قائلا بتأكيد.
كل ده هيحصل وهنعلمه الادب لحد ما يقول حقي برقبتي
تحدثت أميرة وهي تشعر ان نظرات زوج والدتها ټحرق جسدها قالت لهم.
كل الحاجات دي هتحتاج محامي والمحامي هيحتاج فلوس كتير وانا مش هقدر علي التكاليف دي كلها انا كل اللي يهمني دلوقتي اني اعمل العمليه لبنتي وتخف وبعد كده اخد حقي منهم
نظرت اليها والدتها وتحدثت بفضول. 
يعني ناويه على ايه أميرة
تحدثت أميرة باصرار. 
انا هروح الشغل مع راندا من بكره ان شاءالله وهشتغل ليل ونهار لحد ما اجمعلها فلوس العمليه دي
نظر اليها زوج والدتها وتحدث بمراوغة. 
بس هيبقى تعب عليكي يا اميرة وانتي اللي زيك متستهلش البهدله دي ابدا
نظرت اليه أميرة پغضب تريد اقلاع عينيه كي لا ينظر اليها بهذه الطريقه تحدثت اليه بقوة قائلة له.
ربنا هيقويني ان شاء الله ومتقلقوش ان هدفع في مصاريف البيت هنا انا مش محتاجه غير حيطه تداريني من ولاد الحړام لحد ما ربنا يكرمني
نظرت اليها والدتها بخجل تعلم ان أميرة ذكرت مشاركتها في مصاريف المنزل كي لا يعترض زوج والدتها على جلوسها معهم بالمنزل تحدث اليها زوج والدتها مدعيا الرجوله والكرم قائلا لها.
ليه بس كده يا أميرة انتي هنا هتعيشي في بيتك يعني تكلي لقمة وترمي عشرة وانا عنيا ليكي
نظرت اليه أميرة بشمئزاز ثم تحدثت إليه پغضب.
عارفة يا عمي وانا مش بعتبرك جوز امي انا بعتبرك ابويا
نظر اليها پغضب مرددا كلمتها بعدم رضا قائلا. 
ابوكي!!!! وماله يا أميرة بكره تعرفي ان ان انتي ملكيش الا انا
ثم خرج من الغرفة وتركها مع والدتها ربتت والدتها على