وانتي كان مالك ومالي

_ وانت كان مالك ومالي يا اخى ولا هو حرام اطلع الكبت اللى جوايا فى بيتي كمان
رد بتوجس : هو انتي شغالة فين بالظبط 
_ انت بجد متخيل انى ممكن اقولك اى معلومات عنى وعن حياتي بسهولة كده 
طائف بسخرية 
_ كدة برضو،، ده احنا بقينا عشرة وقضينا يومين حلوين مع بعض وفى بيتك معقول معلومة زي دي تستكتريها عليا
آيات بدفاع وڠضب
_ يومين حلوين فى عينك... الزم حدودك واعرف انت بتقول ايه وخليك فاكر انى دخلتك بيتي بسبب ظروفك، دي غير كده مكنتش رجلك عتبت خطوة واحدة بس جوا بيتي انت بتكلم واحدة محترمة مش واحدة من الشارع

طائف بهدوء وقد ادرك خطأه 
_ احم آسف على كلامي مقصدتش بيه حاجة بس حقيقي سؤالي له سبب ... ثم اكمل بخبث .... 
_ يعنى يمكن اكون اعرف حد من شركتك يقدر يوصلنى باللى شغالين معايا
آيات بحيرة : وايه اللى يخلي حد من شركتي يعرفك 
طائف بعقلانية : انا رجل اعمال واكيد ليا علاقاتي
آيات بشبه اقتناع : ممم ممكن على العموم انا شغالة فى شركة ال ............
قاطعها صوت جرس باب منزلها يعلن قدوم احدهم
آيات بتذمر : اعمل ايه ياربي ملحقتش احضر الورق اللى هو عايزه .... ثم وجهت حديثها بحدة نحو طائف ..... 
_ كله منك كله منك اتفضل بقى ادخل المطبخ ولا اى حتة ومتخلهوش يلمحك فاااهم .. مش ناقصة فضايح انا
وبعدها اتجهت لتفتح الباب لاستقبال ضيفها بتوتر و خوف نظرا لادراكها ان وجود رجل غريب بمنزلها يعد امرا غير مقبول بالمرة
آيات بإبتسامة مرتبكة
_ مستر مازن اهلا وسهلا بحضرتك اتفضل ادخل
مازن بإستعجال : معلش يا آيات مستعجل لو ممكن الورق من فضلك عشان لازم امشي
آيات بتوتر : ثوانى يا فندم هحضرهم لحضرتك
تركته آيات عند مدخل المنزل واتجهت من فورها الى الداخل لتحضير تلك الاوراق اللعېنة فى حين هو انتظرها لفترة ليست بالقليلة ليتأفف بوقفته قبل ان يهتف بإسمها عدة مرات لكن دون رد لذا هم بدخول المنزل فى اللحظة ذاتها التى مل فيها طائف المكوث فى المطبخ وضړب بطلبها عرض الحائط ليتوجه هو الاخر الى الخارج فيقابله وجه مازن المصډوم ليهتف كلا منه پصدمة
_ طائف !!!!!!!
نظر كلا منهم للآخر فى ذهول لتظهر آيات فى تلك اللحظة وترى اسوء كوابيسها امامها ..... تبا ماذا سيظن مازن بها !!! .... تخفي رجل غريب بمنزلها وهى فتاة غير متزوجة ذات سمعة لم تشوبها شائبة حتى تلك اللحظة .. لكن الان انتهى كل شيء
آيات بتوتر : مستر مازن ارجوك متفهمش الوضع غلط ...... ده ده ......
مازن مقاطعا و متجاهلا آيات
_ طائف !! انت بتعمل ايه هنا 
نظرت له ببلاهة ثم نقلت انظارها نحو الآخر لتجد ذهوله قد انقشع ليحل محله ابتسامة انتصار وتشفي...