بنت اللكابر

الاستاذ اللي اشترى الفيلا واقف تحت يا هانم ومنتظر حضرتك عشان يستلم الفيلا منك بنفسه.
خدت نفس عميق وحاولت اسيطر على حزني وقهرتي
الفيلا اللي اتولدت وعيشت فيها اتباعت في مزاد علني بعد ما البنك حجز على جميع ممتلكات عيلتي وبقيت في الشارع
نزلت بخطوات مرتبكة وانا بفرك في ايدي ولقيته واقف وضهره ليا وكان بيتأمل اللوحة الفنيه بتاعي اللي رسمتها من سنين
قربت منه ووقفت وراه واتكلمت بصوت مبحوح..
قمر:.. اهلا بحضرتك.
لف وبصيتله پصدمة وحسيت ان روحي بتتسحب مني.. اكرم!!
وقف قصادي ونظراته كانت قاسيه وهو بيتأملني من تحت لفوق بنظرات غامضة..

- اكرم بيه.. اسمي اكرم بيه لازم تاخدي بالك وانتي بتنطقي اسمي.
نبرة صوته الدافيه اللي كنت بقت نبرة باردة وقاسېة! نظرات عينيه ليا كانت بتوجع قلبي وانا شايفه اتهام بالخيانه جوه عينيه وعقاپ بيحمله في قلبه طول السنين و جه الوقت اللي ينتقم فيه مني! معقول اكرم حبيبي يفكر ينتقم مني؟!
نظرات عينيه تفحصت الفيلا بغموض وقال:
- الفيلا متغيرتش كتير، كل حاجة زي ما هي!
وبصلي وكمل كلامه القاسې: كل حاجة لسه موجودة بس للاسف قيمتها قلت ومبقتش شايفها غاليه وقيمة زي الاول.
دموعي كانت بتهددني بالتساقط قدامه وكمل كلامه القاسې وقال:
- انا عارف انك بقيتي في الشارع دلوقتي وانا اكيد مش هسمح بده يحصل وهراعي العشرة اللي كانت بينا وهسمحلك تعيشي هنا بس...
بصتله بحزن وهو بيكمل كلامه: بس هتعيشي في الاوضة اللي في الجنينه بتاع الجنايني اللي كان بيشتغل عندكم زمان.. فاكره الجنايني ده يا بنت الاكابر..
واشتدت نبرة صوته اكتر: وابن الجنايني اللي انتي لعبتي بيه زمان وعيله زيك قدرت تخدعه!
مقدرتش اتحمل قسوته اكتر من كده وحسيت ان الدنيا كلها بتلف بيا وقبل ما افقد توازني واقع على الأرض لقيته بيجري عليا بسرعه وبنفس اللهفة اللي كنت بشوفها في عينيه زمان وفي اللحظة دي دموعي خانتني و نزلت قدامه. مسح دموعي بإيديه وقالي بقسۏة: وقفي دموعك يا بنت الاكابر انا لسه في بداية اڼتقامي منك..... 
القصه فى اول تعليق